ހޯރަފުއްޓާއި ހަނިމާދޫގެ ގޭބިސީތަކަށް މިމަހު 23 ވަނަ ދުވަހު ސަޕްލައި ފެން ދޫކުރަން ފަށަނީ

ހއ ހޯރަފުއްޓާއި ހދ ހަނިމާދޫގައި ގާއިމްކޮށްފައިވާ ސަޕްލައި ފެނުގެ ނިޒާމުގެ ތެރެއިން އަންނަ ބުރާސްފަތި ދުވަހު ފެން ދޫކުރަން ފަށާނެ ކަމަށް އެންވަރަޔަމެންޓް މިނިސްޓަރު ޑރ ހުސެއިން ރަޝީދު ހާމަކުރައްވައިފި އެވެ.

އެ ދެ ރަށުގައި ފެނުގެ ނިޒާމު ގާއިމުކޮށްފައިވީނަމަވެސް އަދި މިހާތަނަށް އެ ނިޒާމު ބޭނުންކުރަން ފަށާފައެއް ނުވެ އެވެ. އެކަން ނުވެ އެ ދެ ރަށުގައި އުފައްދާ ފެންނަކީ ރައްކާތެރި ފެން ތޯ ޔަގީންކުރުމަށް ތަހުލީލްކުރެވޭނެ ވަސީލަތްތައް ނެތުމުން ނެވެ.

އެންވަރަޔަމެންޓް މިނިސްޓަރު ޑރ ހުސެއިން ހާމަކުރައްވާފައިވާގޮތުގައި މިމަހުގެ 23 ވާ ބުރާސްފަތި ދުވަހުން ފެށިގެން، ހޯރަފުއްޓާއި ހަނިމާދޫފެ ގޭބިސީތަކަށާއި އެހެނިހެން އިދާރާތަކަށް ފެނަކަ އިން ރައްކާތެރި ސާފު ފެން ފުރަތަމަ ފަހަރަށް ސްޕްލައި ކުރަން ފަށާނެ ކަމަށެވެ.

މިމަހުގެ 23 ވާ ބުރާސްފަތި ދުވަހުން ފެށިގެން، ހއ. ހޯރަފުއްޓާއި ހދ. ހަނިމާދޫގެ ގޭގެ އަށާއި އެހެނިހެން އިދާރާތަކަށް، ފެނަކާ އިން، ރައްކާތެރި ސާފު ފެން ފުރަތަމަފަހަރަށް ސަޕްލައި ކުރަން ފަށާނެއެވެ.@presidencymv@EnvGovMv @TeamFenaka@SalleHoarafushi @gafoor2656@raajjemv @psmnewsmv

— Hussain R. Hassan (@DrHussainHassan) May 19, 2019

ހޯރަފުއްޓާއި ހަނިމާދޫގެ ފެނުގެ ނިޒާމު ހިންގުން ހަވާލުކޮށްފައިވަނީ ފެނަކަ ކޯޕަރޭޝަނާ އެވެ. ދެ ރަށުގައިވެސް ދުވާލަކު 90 ޓަނުގެ ފެން އުފެއްދޭނެ ނިޒާމް ގާއިމުކޮށްފައި ވެއެވެ. އަދި ކޮންމެ ރަށެއްގައިވެސް 300 ޓަނުގެ ފެން ރައްކާކުރެވޭ ޓޭންކް ބަހައްޓާފައިވެ އެވެ.