އަދިވެސް މަސައްކަތް ކުރަނީ މާލެ ސަރަހައްދަށް އިންވެސްޓަރުން ގެންނަން: ޔާސިރު

އަދިވެސް މަސައްކަތް ކުރަނީ ދުނިޔޭގެ ބޮޑެތި އިންވެސްޓަރުން ތޮއްޖެހިފައިވާ މާލެ ސަރަހައްދަށް ގެނައުމަށްކަމަށް ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފް ވިދާޅުވެއްޖެ އެވެ.

ޔާސިރު ކޮށްފައިވާ ޓުވީޓެއްގައި ވިދާޅުވީީ ރަށްތައް ހުސްވެ، ފަޅުތައް ހިއްކައިގެން ވިޔަސް އިންވެސްޓަރުން މާލެ ސަރަހައްދަށް ގެނައުމަށް އަދިވެސް ދަނީ މަސައްކަތް ކުރަމުން ކަމަށާއި މިއީ އަދިވެސް މަރުކަޒީ ކުރުމުގެ ސަފުހާތަކެއް ކަމަށެވެ.

ޔާސިރުގެ ޓުވީޓުގައި ރާއްޖެގެ އުތުރާއި ދެކުނުގައި ފަޅުރަށްތައް ނެތީތޯ ވަނީ ސުވާލުކޮށްފަ އެވެ.

Rahthah husve, falhu thah hikaigen vias dhuniyeyge bodethi investarun thohjehi furi baaru vefaivaa Male’ aa kaariah genaumah adhives masaikai kuramun dhaairu, Raajjeyge Uthuraai dhekunugai Nala biya falhu rahthah nethee thoa eve. Mee adhives hama marukazee kurumuge safuhaathakeve pic.twitter.com/B4mBWhjWa5

— Yasir Abdullatheef (@YAbdullatheef) July 14, 2019

"ރަށްތައް ހުސްވެ، ފަޅުތަށް ހިއްކައިގެންވިއަސް ދުނިޔޭގެ ބޮޑެތި އިންވެސްޓަރުން ތޮއްޖެހި ފުރި ބާރުވެފައިވާ މާލެއާ ކައިރިއަށް ގެނައުމަށް އަދިވެސް މަސައްކަތް ކުރަމުންދާއިރު ރާއްޖޭގެ އުތުރާއި ދެކުނުގައި ނަލަ ބިޔަ ފަޅުރަށްތައް ނެތީ ތޯ އެވެ. މީއީ އަދިވެސް ހަމަ މަރުކަޒީ ކުރުމުގެ ސަފުހާތަކެވެ" ޓުވީޓުގައި ލިޔެފައި ވެއެެވެ.

ޔާސިރު މިހެން ވިދާޅުވެފައިވަނީ މާލެ ސަރަހައްދުގައި ޓޫރިޒަމް ދާއިރާގެ ގިނަ މަސައްކަތްތަކެއް ކުރެވެމުން ދާއިރުވެސް ރާއްޖެގެ އުތުރާއި ދެކުނުގައި މިފަދަ މަޝްރޫއުތަށް ކުރިއަށް ނުދާތީއެވެ. ފަޅު ހިއްކައިގެން ތިލަދުންމަތީގައިވެސް ރިސޯޓުތައް ތަރައްގީ ކުރުމަށް ޕްލޭންތަކެއް ނިމި ދިޔަ ސަރުކާރުތަކުން ކޮށްފައިވީ ނަމަވެސް މިހާތަނަށްވެސް އެކަމުގެ އަމަލީ މަސައްކަތް ފަށާފައެއް ނުވެއެވެ.