ބީޗު ފެސްޓިވަލުގައި ޗެމްޕިއަންކަން ހޯދި "ގޮއްޔެ" އަދި ކޭއެސްޔޫއަށް ލިބުނު ފައިސާ ހަސީނައަށް
ބާދުޝާހް، ބީޗު ސްފޯޓްސް ފެސްޓިވަލްގެ ސީނިއަރ ނެޓްބޯޅައިންނާއި ހޭންޑް ބޯޅަ ޗެމްޕިއަންކަން ހޯދި "ގޮއްޔެ" ޓީމަށް ލިބުނު ފައިސާގެ އިނާމު ކެންސަރަށް ފަރުވާ ހޯދަމުންގެންދާ، ކުޅުދުއްފުށީ/ޝޭޑީކޯނަރު، ހަސީނާ ހަސަނަށް ހަދިޔާކުރަން ނިންމައިފި އެވެ.
ނެޓްބޯޅަ އަދި ހޭންޑް ބޯޅައިގެ ސީނިއަރ ބައިން ޗެމްޕިއަންކަން ހޯދި "ގޮއްޔެ" އަށް ފައިސާގެ ގޮތުގައި ދިހަހާސް ރުފިޔާ ލިބިފައިވެ އެވެ. އެ ފައިސާގެ އިނާމު އެއްކޮށް ހަސީނައަށް ހަދިޔާކުރަން ނިންމާފައިވާކަމަށް އެ ޓީމުން މައުލޫމާތުދެ އެވެ.
ގޮއްޔެ ޓީމުގެ ފައިސާގެ އިނާމު ހަދިޔާކުރަން ނިންމިއިރު ބީޗް ފެސްޓިވަލުގެ ވޮލީބޯޅަ މުބާރާތުން ޗެމްޕިއަންކަން ހޯދި "ކުޅުދުއްފުށީ ސްޕޯޓްސް އަޕްޑޭޓްސް"ގެ ޓީމަށް ލިބުނު 5000ރ ގެ ފައިސާގެ އިނާމުވެސް ވަނީ ހަސީނައަށް ހަދިޔާކުރަން ނިންމާފަ އެވެ. އެކަން އެފަރާތުންވެސް ހާމަކޮށްފަ އެވެ.
ލެއަށް ޖެހޭ ކެންސަރުގެ ބާވަތެއްކަމަށްވާ "އަކިއުޓް ޕްރަމަޔަލޯސިޓިކް ލުކީމިއާ" ގެ ވޭން ތަހައްމަލުކުރަމުންދާ ހަސީނާ ފަރުވާ ހޯދަމުންދަނީ އިންޑިޔާގައި އެވެ. ހަސީނާއަށް އެހީ ފޯރުކޮށްދިނުމުގެ ގޮތުން ދާދިފަހުން ހދ ނެއްލައިދޫގެ ކަނބަލުންތަކެއް އިސްނަގައިގެން ވަނީ ފަންޑްރައިޒް ހަރަކާތެއްވެސް ކުރިއަށްގެންގޮސްފަ އެވެ.
އުރަމަތީގެ ކެންސަރުގެ އޮޕަރޭޝަނަށް ޚާއްސަ ފުަރަތަމަ ދިވެހި ޑޮކްޓަރަކަށް އަލްތާފް
ފުރަމާނަ ދަތުރުފުޅެއްގައި ރައީސް ލަންކާއަށް ވަޑައިގަންނަވަނީ
މަސްވެރިންނަށް ހާއްސަ އަގެއްގައި 9 ސަރަހައްދަކުން ތެޔޮ ލިބޭނެ
ތެލުގެ ރިޒާވް ބިނާކުރަން މާލެ ސަރަޙައްދުން ދެ ފަޅެއްގެ ސާވޭ ފަށަނީ
