"ތަފާތު ދައްކަން" ނަހީޒު، ކުޅުދުއްފުށި ސިޓީ މޭޔަރުކަމަށް ވާދަކުރައްވަނީ

ކުޅުދުއްފުށީގެ ރައްޔިތުންނަށް ހައްގު ތަނަވަސް ކަމަށާއި ތަރައްގީ ގެނައުމަށް، ނަހީޒް އަހުމަދު ސައީދު ކުޅުދުއްފުށި ސިޓީ މޭޔަރުކަމަށް ވާދަކުރަން ނިންމައިފި އެވެ.

ނަހީޒް މިކަން ހާމަކުރައްވަމުން ދެންމެ ލިޔުއްވި ޕޯސްޓެއްގައި ވިދާޅުވީ، އެމްޑީޕީ ޕްރައިމަރީގައި ކުޅުދުއްފުށި ސިޓީގެ މޭޔަރުކަމަށް ކުރިމަތިލާން ނިންމީ ކަމަށެވެ.

"އަޅުގަނޑު ކުރިމަތިލާން މިނިންމީ މަގާމެއްގެ މަވެތި (ދަހިވެތި) ކަމެއް އޮވެގެންނެއް ނޫން، ނަމަވެސް ކުޅުދުއްފުށި ސިޓީގެ ރައްޔިތުންނަށް ހައްގު ތަނަވަސް ކަމާއި ތަރައްގީ ގެނައުމުގެ މަވެތިކަން އޮތުން." ނަހީޒް ވިދާޅުވި އެވެ.

"ތަފާތު ދައްކާނަން" ކަމަށް ވިދާޅުވެ ނަހީޒް ލިޔުއްވާފައިވަނީ އެހެންކަމުން ރައްޔިތުންގެ ތާއީދު ބޭނުންވާ ކަމަށެވެ.

ނަހީޒް މިހާރު އަދާކުރައްވާ ބައެއް މަގާމުތަކަށް ބަލާއިރު ޗައިނާ މޯލްޑިވިއަން ކަލްޗަރަލް އެސޯސިއޭޝަންގެ، ނޮދަން ރީޖަނަލް ކޯޑިނޭޓަރު މަގާމާއި ސެންޗޫރިއަން ޕްރައިވެޓް ލިމިޓެޑްގެ ބޯޑް ޑިރެކްޓަރުގެ މަގާމުގެ އިތުރުން އަފީފުއްދީން ސްކޫލުގެ ބޯޑް ޗެއާމަންގެ މަގާމް އޭނާ ދަނީ އަދާކުރައްވަމުންނެވެ.