ކުޅުދުއްފުށީ ކައުންސިލްގެ ޤުރުއާން މުބާރާތް އަމަތުﷲ ކާމިޔާބުކޮށްފި

ކުޅުދުއްފުށީ ކައުންސިލްގެ ޤުރުއާން މުބާރާތުގެ ފަހުރުވެރި އެއްވަނަ އަމަތުﷲ އަލީ ހޯދައިފި އެވެ.

ނޮޅިވަރަމަށް އުފަން އަމަތުﷲ ދެ ގޮފި އެއްކޮށް މުޅި މުބާރާތުން އެއްވަނަ ހޯދީ 118 ދަރިވަރުންނާ ވާދަކޮށް ކުރި ހޯދައިގެންނެވެ. އޭނާ ވަނީ 94 މާކްސް ހޯދާފަ އެވެ.

އަމަތުﷲ އާއި އެންމެ ގާތްކޮށް މުބާރާތުން ދެވަނަ ހާސިލްކުރީ 93.5 މާކްސްއާއެކު، ކުޅުދުއްފުށީ، އައިލެންޑްވިލާ/ އިބުރާހިމް މަލްސޫން މުހައްމަދެވެ. ދެ ގޮފި އެއްކޮށް ތިންވަނަ ކާމިޔާބުކުރީ ކުޅުދުއްފުށީ، ކާޕެންޓްރީ/ ލަޔާލް އަބުދުﷲ އިބުރާހިމެވެ. އެ ދަރިވަރު 91 މާކްސް ހޯދި އެވެ.

ނުބަލައި ކިޔެވި ގޮފީގެ ނަތީޖާ:

ބަލައިގެން ކިޔެވި ގޮފީގެ ނަތީޖާ:

އެކި އުމުރުފުރާތަކުން ވަނަތަކަށް ދިޔަ ދަރިވަރުން ހޮވައި އެ ދަރިވަރުންނަށްވެސް ވަނީ ޓްރޮފީ ހަވާލުކޮށްދީފަ އެވެ. މި މުބާރާތުގައި އަތޮޅު މުބާރާތުގައި ކުޅުދުއްފުށިން ވާދަކުރާނެ 16 ދަރިވަރުންވެސް ވަނީ ހޮވާފަ އެވެ.

އަތޮޅު މުބާރާތުގައި ކުޅުދުއްފުށިން ވާދަކުރާ ދަރިވަރުން:

މި މުބާރާތުގައި ހާއްސަ ވަނަތަކަށް ދިޔަ ދަރިވަރުންނަށް ޓްރޮފީ އާއި ފައިސާގެ އިނާމު ހަވާލުކޮށްދެއްވީ ޝެއިހް އަކުރަމް ހުސެއިނެވެ. މިއީ ކޮންމެ އަހަރު އެއްފަހަރު ކައުންސިލުން އިންތިޒާމުކޮށްގެން ބާއްވަމުން އަންނަ މުބާރާތެކެވެ.