އިތުރު ތަކެތިން އިމްޕޯޓް ޑިއުޓީ ކަނޑާލައިފި

ކޮރޯނާ ވައިރަސް އާ ގުޅިގެން ރާއްޖެއަށް އެތެރެ ކުރާ ޕްރޮޓެކްޓިވް މާސްކް، ހޭންޑް ވޮޝް، ޕްރޮޓެކްޓިވް ގްލޯވްއާއި ފޭސްޝީލްޑުގެ އިތުރުން ޑިސްއިންފެކްޓުން އިންޕޯޓް ޑިއުޓީ ކަނޑާލައިފި އެވެ.

މީގެކުރިން ވެސް ކަސްޓަމްސް އިން ވަނީ ރާއްޖެ އެތެރެކުރާ ސާޖިކަލް މާސްކާއި ސެނިޓައިޒާއިން ނަގަމުން އައި ޑިއުޓީވެސް ކަނޑާލައިފައެވެ.

ކޮރޯނާވައިރަހުގެ ބަލިމަޑުކަމާ އެކު ސާޖިކަލް މާސްކާއި ސެނިޓައިޒާގެ ޑިމާންޑް ރާއްޖޭގައިވެސް ވަނީ ބޮޑުވެފަ އެވެ. އަދި އެތަކެތިން ލިބުން ދަތިވެ އަގުވެސް ވަނީ ބޮޑުވެފަ އެވެ.

ރާއްޖޭގެ އެކްސްޕޯޓް އިމްޕޯޓް ގާނޫނު"ގެ އަށް ވަނަ މާއްދާގެ ހ. އަދި ށ. ގައިވާ ގޮތުން، މުޅި ރާއްޖޭގެ ރައްޔިތުންގެ މަންފާއަށް ޓަކައި ނުވަތަ ވަކި ރަށެއްގެ މަންފާއަށް ޓަކައި ރާއްޖެ އެތެރެކުރާ ތަކެތިން ޑިއުޓީ މާފުކުރުމުގެ ބާރު ވަކި ހާއްސަ ހާލަތްތަކެއްގައި ރައީސުލްޖުމްހޫރިއްޔާއަށް ލިބިގެންވެ އެވެ.