ޗާޓަރު ފުލައިޓުން ލަންކާގައި ތިބި އާއިލާތަކަށް ތަކެތި ފޮނުވޭގޮތް ހަދަނީ

ނަބީލާ އިސްމާޢީލް

Mar 30, 2020

މޯލްޑިވިއަންގެ ޗާޓަރު ފްލައިޓުން ލަންކާގައި ތިބި އާއިލާތަކަށް ތަކެތި ފޮނުވޭގޮތް ހަދައިފި އެވެ.

ފޮރިން މިނިސްޓަރު އަބްދުﷲ ޝާހިދު ވިދާޅުވީ ލަންކާގައި ތިިބި ދިވެހިންނަށް އެހީވުމުގެ ގޮތުން އެގައުމުގައި ތިބި ދިވެހިންނަށް އެހީވާން ތަކެތި ފޮނުވުމުގެ ފުރުސަތު ދޭން ނިންމައިފައިވާ ކަމަށާއި އުންމީދު ކުރަނީ މި ފުރުސަތާއި އެކު ލަންކާގައި ތިބި ދިވެހި އާއިލާތަކަށް ވަގުތީ ގޮތުން ހައްލެއް ލިބިގެންދާނެ ކަމަށް ކަމުގައި މިނިސްޓަރުގެ ޓްވީޓްގައި ފާހަގަކުރެއްވި އެވެ.

ރާއްޖެއާ ސްރީލަންކާއާ ދެމެދު މިހާރު ވަނީ އާންމުކޮށް ބާއްވަމުން އައި ކޮމާޝަލް ފްލައިޓްތައްވެސް ހުއްޓާލާފަ އެވެ. ނަމަވެސް ރާއްޖެއަށް ބޭނުންވާ ޒަރޫރީތަކެތި ގެނައުމަށް މޯލްޑިވިއަންއިން ދަނީ ޗާޓަރު ފްލައިޓްތަކެއް ބާއްވަމުންނެވެ. އެގޮތުން އިއްޔެވެސް ސްރީލަންކާއިން ވަނީ 10 ޓަނުގެ ތަކެތި ގެނެސްފަ އެވެ.

އެކިގައުމުތަކުގައި ހަލުވިކަމާއި އެކު ފެތުރެމުން އަންނަ ކޮވިޑް-19 ގެ ސަބަބުން ގިނަ އަދަދެއްގެ ދިވެހި އާއިލާތަށްވެސް ދިރިއުޅޭ ލަންކާ ވަނީ މިހާރު ލޮކްޑައުންގަ އެވެ.

އިތުރު ލިޔުންތައް

ސްރީލަންކާ

ފޮރިން މިނިސްޓްރީ

މިލިޔުމާއި ގުޅޭ