ހޯމް މިނިސްޓްރީގެ ޕާމަނަންޓް ސެކެޓްރީގެ މަގާމަށް ބޭފުޅަކު އައްޔަންކޮށްފި

މިނިސްޓްރީ އޮފް ހޯމްއެފެއާޒްގެ ޕާމަނަންޓް ސެކެޓްރީގެ މަގާމަށް މިއަދު ބޭފުޅަކު އައްޔަންކޮށްފި އެވެ.

މިނިސްޓްރީގެ ޕާމަނަންޓް ސެކެޓްރީ (ޕީއެސް) ކަމަށް އައްޔަންކުރައްވާފައި ވަނީ އަބުދުއްރަހްމާން ސޮލާހު ރަޝީދެވެ. ސޮލާހު މީގެކުރިން ހުންނެވީ އިލެކްޝަންސް ކޮމިޝަން ގެ ސެކްރެޓަރީ ޖެނެރަލްގެ މަގާމުގަ އެވެ.

ސޮލާހަށް މަގާމުގެ ލިޔުން ހަވާލުކުރެއްވީ މިއަދު ހޯމް މިނިސްޓްރީގައި މިކަމަށް ބޭއްވި ހާއްސަ ރަސްމިއްޔާތެއްގައި ސިވިލް ސާވިސް ކޮމިޝަނުގެ ރައީސް އަލީ ޝަމީމް އެވެ.

ޕާމަނަންޓް ސެކެޓްރީގެ މަގާމަށް އައްޔަންކުރި ސޮލާހަށް ހޯމް މިނިސްޓަރު އިމްރާން އަބްދުﷲ ވެސް ވަނީ މަރުހަބާ ދަންނަވައިފަ އެވެ.