އެންމެ ގިނައިން ވާރޭވެހުނީ ކެލައަށް

ފާއިތުވި 24 ގަޑިއިރުގެ ތެރޭގައި އެންމެ ގިނައިން ވާރޭވެހިފައިވަނީ ހއ ކެލައަށްކަމަށް މޫސުމާ ބެހޭ ގައުމީ އިދާރާއިން ހާމަކޮށްފި އެވެ.

މޫސުމާ ބެހޭ ގައުމީ އިދާރާއިން ހާމަކޮށްފައިވާގޮތުގައި އިއްޔެ ހެނދުނުގެ 8 ން މިއަދު ހެނދުނު 8 އަކަށް 178 މިލިމީޓަރުގެ ވާރޭ ކެލައަށް ވެހިފައިވެ އެވެ.

24 ގަޑިއިރުގެ ތެރޭގައި ދެން އެންމެ ގިނައިން ވާރޭވެހިފައިވަނީ ހދ ހަނިމާދޫއަށާއި ކ. ދިއްފުއްޓަށެވެ. ހަނިމާދޫއަށް ވެހިފައިވަނީ 159 މިލިމީޓަރުގެ ވާރެ އެވެ. ދިއްފުއްޓަށް ވެހުނީ 53 މިލިމީޓަރުގެ ވާރެ އެވެ.

އިތުރު ރަށްތަކަކަށް ބަލާލާއިރު 57 މިލިމީޓަރުގެ ވާރޭ ކުޅުދުއްފުއްޓަށް ވެހުނުއިރު ކ ގުރައިދޫއަށް ވެހިފައިވަނީ 53 މިލިމީޓަރުގެ ވާރެ އެވެ. ހއ ހޯރަފުއްޓަށް ވެހިފައިވަނީ 49 މިލިމީޓަރުގެ ވާރެ އެވެ.

މިހާރު ކުރަމުންދާ ވިއްސާރާގައި ތިލަދުންމަތީގެ ރަށްތަކުގައި ދަނީ ފެންބޮޑުވުމުގެ ހާދިސާތައް ހިންގަމުންނެވެ. އެގޮތުން ހއ އުލިގަމާއި، ކެލާ، ހދ ހަނިމާދޫ، ނޮޅިވަރަންފަރު، ފިނޭ އަދި ކުޅުދުއްފުށީގައި ވަނީ ފެންބޮޑުވެ ފެންހިއްކަމުންނެވެ.