ޔަމަނަށް އެހީވުމަށް މިނިސްޓަރު ޝާހިދު ގޮވާލައްވައިފި

ޔަމަނުގައި ހާލުގައި ޖެހިފައިވާ މީހުންނަށް އެހީތެރިކަން ފޯރުކޮށްދެވޭނެ އިންތިޒާމެއް ހަމަޖައްސަން ޖެހޭނެ ކަމަށް ފޮރިން މިނިސްޓަރު އަބްދުﷲ ޝާހިދު ވިދާޅުވެއްޖެ އެވެ.

ޔަމަނަށް ދިމާވެފައިވާ ހިއުމަނިޓޭރިއަން ކްރައިސިސްއާ ގުޅޭގޮތުން ބޭއްވި ބައިނަލްއަގްވާމީ މަތީ ފަންތީގެ ބައްދަލުވުމެއްގައި މިނިސްޓަރު ޝާހިދު ވިދާޅުވީ ޔަމަނަށް ޖެހިފައިވާ ހާލަތުން އަރައިގަތުމަކީ އިސްލާމީ އުންމަތުގެ އެއްބައިވަންތަކަމާ ގުޅިފައިވާ ކަމެއް ކަމަށް ކަމަށެވެ. އެ ސަރަހައްދުގައި ހިނގަމުން އަންނަ ހަމަނުޖެހުންތަކާ ގުޅިގެން، ޔަމަނުގައި އުޅޭ 24 މިލިއަން މީހުން ދަނީ ބަނޑުހައިހޫނުުކަން ތަހައްމަލު ކުރަމުން ކަމަށާއި ގިނަ ބަޔެއްގެ ގެދޮރު ގެއްލިފައިވާކަން ވެސް ފާހަގަކުރެއްވި އެވެ.

I'm honoured to participate in the High-Level Pledging Event for the Humanitarian Crisis in #Yemen. The important pledges made today must be realised, to provide urgent food & aid for the Yemeni people. #Maldives fully supports the unified global response to alleviate the crisis. pic.twitter.com/za52Lej1xG

— Abdulla Shahid (@abdulla_shahid) June 2, 2020

ކޯވިޑް-19 ގެ ސަބަބުން ޔަމަނަށް އެހީތެރިކަން ފޯރުވައިދިނުމަށް ގޮންޖެހުންތަކެއް ކުރިމަތިވެފައިވާކަން ފާހަގަކުރައްވަމުން މިނިސްޓަރ ޢަބްދުﷲ ޝާހިދު ވިދާޅުވީ ޔަމަންގައި ބައިނަލްއަޤްވާމީ އިންސާނީ އެހީއަށް ބޭނުންޖެހިފައިވާ ފަރާތްތަކަށް ކޮންމެފަދަ ހާލަތެއްގައިވެސް އެއެހީ ހުއްޓުމެއްނެތި ފޯރުވައިދެވޭނެ އިންތިޒާމް ހަމަޖެހެން ޖެހޭކަމަށެވެ.

އަދި ޔަމަނުގައި ހާލުގައި ޖެހިފައިވާ ފަރާތްތަކަށް އެހީވުމަށް ބައިނަލްއަޤްވާމީ މުޖްތަމައު ގުޅިގެން ހާއްސަ އިސްކަމެއް ދީގެން މަސައްކަތް ކުރަންޖެހޭކަން މިނިސްޓަރ ފާހަގަކުރެއްވިއެވެ. ޔަމަންގެ ހާލު ބަޔާންކޮށް އެގައުމަށް ބައިނަލްއަގުވާމީ އެހީ ފޯރުވައިދިނުމާ ގުޅޭގޮތުން ބޭއްވި މިބައްދަލުވުމުގައި އދ.ގެ މެމްބަރު ގިނަ ގައުމުތަކުންވަނީ ޔަމަނަށް އެހީތެރިކަން ދިނުމަށް ވައުދުވެފައެވެ.