އަންނަ ހަފްތާ ލަންކާއާއި މެލޭޝިޔާގައި ތިބި ދިވެހިން ރާއްޖެ ގެންނަނީ

ލަންކާއާއި މެލޭޝިއާގައި ތިބި ދިވެހިން ރާއްޖެ ގެނައުމަށް މޯލްޑިވިއަން އިން އަންނަ ހަފްތާގައި ފްލައިޓެއް ބާއްވަން ނިންމައިފި އެވެ.

މޯލްޑިވިއަންގެ ފްލައިޓްގެ އިތުރުން ސްރީލަންކަން އެއާލައިންސްގެ ފްލައިޓަކުން މިމަހުގެ 10 ވަނަ ދުވަހު 265 ދިވެއްސަކު ރާއްޖެ ގެނައުމަށް ނިންމާފައިވެ އެވެ.

މޯލްޑިވިއަން އިން ބުނީ މިމަހުގެ 12 ވަނަ ދުވަހު ލަންކާގައި ތިބި ދިވެހިން ރާއްޖެ ގެނައުމަށް ފްލައިޓް ޝެޑިއުލްކޮށްފައިވާ ކަމަށާއި އަދި މިމަހުގެ 15 އަދު 17 ވަނަ ދުވަހު މެލޭޝިއާގައި ތިބި ދިވެހިން ރާއްޖެ ގެނައުމުގެ މަސައްކަތް ކުރާނެ ކަމަށެވެ.

ނެޝަނަލް އެމްޖެންސީ އޮޕްރޭޝަނުގައި ބޭއްވި ބައްދަލުވުމުގައި ވާހަކަ ދައްކަވަމުން އެ ސެންޓަރުގެ ތަރުޖަމާނު މަބްރޫކް އަޒީޒް ވިދާޅުވީ ގޭގައި ކަރަންޓީނު ކުރާ އުސޫލުގެ ދަށުން ރާއްޖެއިން ބޭރުން އަންނަ ފަރާތްތަކަށްވެސް ގޭގައި ކަރަންޓީނުވެވޭނެ ކަމަށެވެ.