ލަންކާގައި ތިބި 97 ދިވެއްސަކު ރާއްޖެ ގެންނަނީ

Jul 8, 2020

ސްރީލަންކާގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވާ 97 މީހަކު މިރޭ އަންނާނެ ކަމަށް މޯލްޑިވިއަން އިން ބުނެފިއެވެ.

ފޮރިން މިނިސްޓްރީ އާއި މޯލްޑިވިއަން ގުޅިގެން ރާއްޖެއިން ބޭރުގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވާ މީހުން ގެނައުމަށް ހާއްސަ ފްލައިޓުތައް އިތުރު ގައުމުތަކަށް ވެސް ދަނީ ބާއްވަމުންނެވެ.

ލަންކާ ގައި ތިބި ދިވެހިންގެ ތެރެއިން އެނބުރި ރާއްޖެ އަންނަން ބޭނުންވާ ފަރާތްތަކަށް މޯލްޑިވިއަންގެ ހާއްސަ ރެޕަޓްރިއެޝަން ފްލައިޓެއް މިއަދު ބާއްވާއިރު މީގެ ކުރިންވެސް އެގައުމުގައި ތިބި ދިވެހިން ގެންނަން ހާއްސަ ފްލައިޓެއް ވަނީ ބާއްވައިފައެވެ.

މީގެ ކުރިންވެސް އިންޑިއާ ބެންކޮކް، ލަންކާގެ އިތުރުން މެލޭޝިއާ އިން މީހުން ގެނައުމަށް މޯލްޑިވިއަން އިން ވަނީ ދަތުރުތައް ބާއްވައިފައެވެ.

އިތުރު އެއާލައިންތައް މެދުވެރިވެގެންވެސް ރާއްޖެއިން ބޭރުގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވާ މީހުން ވަނީ ގެނެސްފައެވެ.

ރާއްޖެއިން ބޭރުން އަންނަ މީހުން އެޗްޕީއޭގެ ގައިޑްލައިންތަކާ އެއްގޮތަށް ކަރަންޓީނު ފުރިހަމަ ކުރަން ޖެހޭނެއެވެ.

މިލިޔުމާއި ގުޅޭ