މިއަދު ހުޅުވިގެން ދިޔަ ހއ. ހޯރަފުށި އެއާޕޯޓަށް ސެޑިއުލް ދަތުރުތައް މިމަހު 26 ގައި ފެށުމަށް ހަމަޖެހިފައިވާކަމަށް ގައުމީ އެއާލައިން މޯލްޑިވިއަންއިން ބުނެފިއެވެ.
ރާއްޖެ ޓީވީއަށް ދެއްވި އިންޓަވިއުއެއްގައި އައިލެންޑް އޭވިއޭޝަންގެ ކޮމިއުނިކޭޝަން އެންޑް ޕީއާރު މެނޭޖަރ މޫސާ ވަސީމް ވިދާޅުވީ މި މަހުގެ 26 ވަނަ ދުވަހު ޝެޑިއުލް ދަތުރުތައް މޯލްޑިވިއަންއިން ހޯރަފުށީ އެއާޕޯޓަށް ފެށުމަށް ހަމަޖެހިފައިވާ ކަމަށެވެ. އެގޮތުން ހަފްތާއަކު 3 ދަތުރު ކުރުމަށް ވަނީ ހަމަޖެހިފައެވެ.
މި އެއާޕޯޓާއެކު އުތުރުގެ ރަށްތަކުގައި ގެސްޓް ހައުސް ވިޔަފާރި ފުޅާވެގެންދިޔުމުގެ ފުރުސަތު ބޮޑުވެގެން ދާނެ ކަމަށް ވަސީމް ވިދާޅުވިއެވެ.
ހޯރަފުށި އެއާޕޯޓު ހުޅުވައި ދެއްވަމުން ރައީސް އިބްރާހިމް މުހައްމަދު ސޯލިހް ވިދާޅުވީ މި އެއަރޕޯޓާއެކު ލާމަރުކަޒީ ނިޒާމުގެ ތެރެއިން މުޅި އިހަވަންދިއްޕޮޅު ތަރައްގީ ކުރުމުގެ މަސައްކަތް ފެށިގެންދާނެ ކަމަށެވެ.
މިއީ މި ސަރުކާރުން ތަރައްގީކޮށް ހުޅުވި ފުރަތަމަ އެއާޕޯޓެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
ނޫސްވެރިންގެ ހައްގުތައް އެންމެ މަތީ ދަރަޖާގައި ކަށަވަރުކޮށްދޭނަން: ރައީސް
މަނަދޫ ބަލިކޮށް ރީޖަން ލީގުގެ ފެށުން ހަނިމާދޫއިން ވަރުގަދަކޮށްފި
ޕީއެންސީގެ ތަރުޖަމާނުގެ މަގާމަށް ފިރުޒުލް އައްޔަންކޮށްފި
