ކޮޗިން ފެރީގެ ސަބަބުން މުދަލުގެ އަގުހެޔެވެއް ނުވި :ޝިޔާމް

ކޮޗިން ފެރީން އަގުހެޔޮކޮށް އެއްޗެއް ލިބުން ތަނެއް މި ސަރަހައްދެއްގައި ނެތްކަމަށް ޕީޕީއެމްގެ ނައިބް އަދި ނައިފަރު ދާއިރާގެ ޕީޕީއެމް މެމްބަރު އަހުމަދު ޝިޔާމް ވިދާޅުވެއްޖެ އެވެ.

ޝިޔާމް މިހެން ވިދާޅުވީ މިރޭ އިދިކޮޅު ކޯލިޝަން ޕީޕީއެމް/ޕިއެންސީން ކުޅުދުއްފުށީގައި "އެހޭ ހޮށް މިވަރުން ފުދިއްޖެ" ނަމުގައި ބޭއްވި ޖަލްސާގައި ވާހަކަ ދައްކަވަމުން ނެވެ.

ޝިޔާމް ވިދާޅުވީ އެ ފެރީގެ ސަބަބުން އޮރެންޖެއް އާފަލެއްވެސް އަގުހެޔޮކޮށް ލިބުން ފަރާތެއް މި ސަރަހައްދުގައި ނެތް ކަމަށެވެ.

އޭނާ އިތުރަށް ވިދާޅުވީ މިހާރުގެ ދިވެހި ސަރުކާރުން ރައްޔިތުން މި ކޮވިޑްގެ ހާލުގައިވެސް ވަރަށް ހާލުގައި ޖައްސައިފި ކަމަށެވެ.

ގައުމު ތަކުން ހިލޭ އެހީ ލިބިފައިވާއިރު ނިކަމެތި ރައްޔިތުން ތިބީ އަސާސީ ބިލްތައް ނުދެއްކި ކަމަށާއި ގައުމުތަކުން ލިބޭ ހިލޭ އެހީގެ އެއްވެސް މިންވަރެއް ރައްޔިތުންނަށް ފައިދާ ނުވާކަމަށެވެ.

މި ޖަލްސާގައި އެ ކޯލިޝަންގެ އިސް މެމްބަރުން ބައިވެރިވެ ވާހަކަ ދައްކަވާފައިވެ އެވެ. އޭގެ ތެރެއިން ގިނަ މެމްބަރުން ވިދާޅުވީ ނުހައްގުން މިއަދު އެންމެ ބޮޑު އަނިޔާއެއް ލިބެމުން އަންނަނީ ރައީސް ޔާމިނަށް ކަމަށެވެ.