14 ދުވަހަށްފަހު ކުޅުދުއްފުށި މޮނީޓަރިންގެ ހާލަތުން އުވާލައިފި

މިމަހު 11 ވަނަ ދުވަހު ކޮވިޑް ކޭސްއެއް ފެނުމާއި ގުޅިގެން ކުޅުދުއްފުށި މޮނީޓަރިންނަށް ލުމަށްފަހު ރޭ އެ ހާލަތު އުވާލައިފި އެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ކުޅުދުއްފުށި މޮނީޓަރިންގެ ހާލަތުން އުވާލިކަން އަންގާފައިވަނީ ރޭ ދަންވަރު 00:06 ގަ އެވެ.

މިވަގުތު ކުޅުދުއްފުށީ ކޮވިޑް ކޭސްތަކުގެ އަދަދު 17 އަށް އަރާފައިވާއިރު އިއްޔެވެސް ވަނީ 4 މީހަކު ޕޮޒިޓިވްވެފައެވެ. އެތަނުން 3 މީހުންނަކީ ރަށުން ބޭރުން އައުމަށްފަހު ކަރަންޓީންގައި 3 މީހުންނެވެ. އަދި އަނެއް މީހާއަކީ ކޮވިޑް ކޭސްއަކާއި ގުޅިގެން ކަރަންޓީން ކުރެވިފައިވާ މީހެކެވެ.

މިހާތަަނަށް ކުޅުދުއްފުށިން ނެގި ހުރިހާ ރޭންޑަމް ސާމްޕަލްތަކެއް ނެގެޓިވްކަން ފާހަގަކޮށްލެވެއެވެ.