ކޮވިޑްގެ ސަބަބުން ބަޔާނުން ޖަރުމަނު ކަޕްގައި ކުޅެން އޮތް މެޗު ފަސްވެއްޖެ

ޖަރުމަނު ކަޕްގައި ހުކުރު ދުވަހު ބަޔާން މިއުނިކް ކުޅެން އޮތް މެޗު ކޮވިޑް-19ގެ ކޭސްތަކަކާ ގުޅިގެން ފަސްވެއްޖެ އެވެ.

ފަސް ވަނަ ޑިވިޝަނުގެ ބްރެމާ އެސްވީއާ ދެކޮޅަށް ޖަރުމަނު ކަޕުގައި ބަޔާން ކުޅެން ހަމަޖެހިފައިވާއިރު ބްރެމާ އެސްވީގެ ތިން ކުޅުންތެރިއަކު ކޮވިޑަށް ޕޮޒިޓިވްވުމާ ގުޅިގެން އެޓީމުވަނީ 14 ދުވަހުގެ ކަރަންޓީނެއް ފުރިހަމަކުރަން ޖެހިފަ އެވެ.

މި ސީޒަނުގައި ޒުވާން ކޯޗު ހޫލިއަން ނާގަލްސްމަންގެ އިރުޝާދުގެ ދަށުން ބަޔާން ނުކުންނައިރު އެޓީމުގެ މެޗު ހުކުރު ދުވަހު ކުޅޭނަމަ ބަޔާންގެ ފްރާންސް މިޑްފީލްޑަރު ކޮރެންޓީން ޓޯލީސޯ އަށް ވެސް ނުކުޅެވޭނެ އެވެ. އޭނާ ވެސް ވަނީ މިދިޔަ ހަފްތާގައި ކޮވިޑަށް ޕޮޒިޓިވްވެފަ އެވެ.

މިމެޗު ފަސްކުރުމާއެކު ޑޯޓްމަންޑުން ހޮނިހިރު ދުވަހު ތިން ވަނަ ޑިވިޝަނުގެ ވަހެން ވިއެސްބަޑެންއާ ދެކޮޅަށް ކުޅެން އޮތް މެޗުވެސް ފަސްކުރުމުގެ ފުރުސަތު ބޮޑެވެ.

ޖަރުމަނު ލީގު މި މަހު 13 ވަނަ ދުވަހު ފަށާއިރު އެ ދުވަހު ޗެމްޕިއަން ބަޔާން ނުކުންނާނީ ބޮރޫޝިއާ މުންޗެންގްލަޑްބެކާ ދެކޮޅަށެވެ.