އަންނަ އަހަރުގެ ހައްޖަށް، ރާއްޖެއާއި ސައުދީން އެއްބަސްވުމުގައި ސޮއިކޮށްފި
އަންނަ އަހަރުގެ ހައްޖަށް ހާއްސަކޮށް، ހައްޖު އެއްބަސްވުމުގައި ރާއްޖޭގެ އިސްލާމިލް މިނިސްޓްރީއާއި ސައުދީ އަރަބިއްޔާގެ މިނިސްޓްރީ އޮފް ހައްޖު އެންޑް އުމްރާއިން ސޮއިކޮށްފިއެވެ.
މި އެއްބަސްވުމަކީ ހައްޖުގެ އަޅުކަމަށް ސައުދީއަށްދާ ހުރިހާ ގައުމަކުން ކޮންމެ އަހަރަކު ވެސް ސޮއިކުރާ އެއްބަސްވުމެކެވެ. މި އެއްބަސްވުމުގައި ހައްޖު މޫސުމުގައި ކަންކަން ކުރިއަށްދާނެ ގޮތުގެ އުސޫލުތައް ހިމަނާފައި ހުންނާނެއެވެ.
The Hajj Agreement for the 1448 AH season was signed between the Ministry of Islamic Affairs and Awqaf of the Maldives and the Ministry of Hajj and Umrah of Saudi Arabia.
The agreement was signed by Mr. Usam Mohamed Saeed, Deputy Minister of Islamic Affairs, and H.E. Dr. Abdul Fattah Mashat, Deputy Minister of Hajj and Umrah of Saudi Arabia.
— Ministry of Islamic Affairs & Endowments (@MVIaffairs) November 14, 2026
އިސްލާމިކް މިނިސްޓްރީން މިއަދު ވަނީ ހައްޖު އެއްބަސްވުމުގައި ސައުދީއާއެކު ސޮއިކޮށްފައިވާ ކަަމަށް ބުނެފައެވެ.
މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ އިސްލާމިކް މިނިސްޓްރީގެ ޑެޕިއުޓީ މިނިސްޓަރު އުސާމް މުހައްމަދު ސައީދެވެ. އަދި ސައުދީ އަރަބިއްޔާގެ ފަރާތުން ސޮއިކުރެއްވީ އެ ގައުމުގެ ހައްޖާއި އުމްރާއާ ބެހޭ މިނިސްޓްރީގެ ޑެޕިއުޓީ މިނިސްޓަރު ޑރ. އަބްދުލްފައްތާޙް މަޝާތެވެ.
މި އެއްބަސްވުމުގެ ދަށުން ހައްޖުގެ ހިދުމަތަށް ފައިސާ ދައްކާނެ ގޮތާއި، ރާއްޖޭގައި ހައްޖުގެ ހިދުމަތްދޭ ކުންފުނިތަކުން ހިދުމަތް ދޭންޖެހޭ ގޮތްތައް ކަނޑައަޅާނެއެވެ. އަދި ދިވެހި ހައްޖުވެރިންގެ ކަންކަން ބެލެހެއްޓުމަށް ހައްޖު މޫސުމުގައި، ރާއްޖޭގެ ހައްޖު މިޝަން ގާއިމްކުރުންފަދަ ކަންކަން ވެސް އެއްބަސްވުމުގައި ހިމަނައިފައިވެއެވެ.
ހައްޖު ކިޔޫ ދިގުވެ، ހައްޖަށް ދާން އެތައް އަހަރެއް ވަންދެން މަޑު ކުރަން ޖެހުމުގެ ކަންބޮޑުވުންތައް ވަނީ އިތުރުވެފައެވެ. ސަޢޫދީ ސަރުކާރުން ހައްޖު ކޯޓާގެ ގޮތުގައި ރާއްޖެއަށް އާންމު ގޮތެއްގައި ދޫކުރަނީ އަހަރަކު 1،000 މީހުންގެ ޖާގައެވެ.
