ލުކާކޫ ގެންނަން ޗެލްސީން ހުށައެޅި އޮފާއަށް އިންޓަ މިލާނުން ދެކޮޅު ހަދައިފި

އިންޓަ މިލާނަށް ކުޅޭ ބެލްޖިއަމްގެ ސްޓްރައިކަރު ރޮމޭލޫ ލުކާކޫ ގެންނަން ޗެލްސީން ހުށައެޅި އޮފާއާ އިންޓަ މިލާނުން ދެކޮޅު ހަދައިފި އެވެ. ލުކާކޫ ގެނައުމަށް ޗެލްސީން ވަނީ 118 މިލިއަން ޑޮލަރުގެ ބިޑެއް ހުށައަޅާފަ އެވެ.

ސެންޓްރަލް ސްޓައިކަރެއް ނެތުމުން، އެ މައްސަލަ ހައްލު ކުރުމުގެ ގޮތުން ޗެލްސީން ވަނީ ގިނަ ކުޅުންތެރިންތަކެއް ގެނެވޭތޯ ފަށާފަ އެވެ. އެގޮތުން ބޮރޫޝިއާގެ އާލިން ހާލަންޑާއި ޓޮޓެންހަމްގެ ހެރީ ކޭން އެވެ. ނަމަވެސް ކޭންގެ ވިސްނުން ހުރީ މެންޗެސްޓާ ސިޓީއާ ދިމާލަށެވެ. އެހެންކަމުން ޗެލްސީއަށް ވަނީ މިދެ ޓްރާންސްފާ ވަނީ ނާކާމިޔާބުވެފަ އެވެ. ހާލަންޑްގެ އަގު 160 މިލިއަން ޑޮލަރުގައި އުޅޭތީ އެވަރުގެ ބޮޑު ހޭދައެއް ކުރާކަށް ވެސް އެޓީމުން ތައްޔާރެއް ނޫނެވެ.

ލުކާކޫ ގެންދަން އެހާ އަގު ބޮޑު ބިޑެއް ހުށައެޅުމުންވެސް އިންޓައިން ދެކޮޅު ހެދިއިރު ބޮޑު އަގަކާއެކު ޑިފެންޑަރު މާކޯސް އެލަންސޯ ދިނުމަށް ހުށައެޅި ހުށައެޅުމަށް ވެސް ވަނީ އިންޓައިން ދެކޮޅު ހަދާފަ އެވެ.