ނޭޝަންސް ލީގުގެ ސެމީގައި މިރޭ އިޓަލީއާއި ސްޕެއިންގެ ގަދަފަދަ ކުރިމަތިލުމެއް

ޔޫއެފާ ނޭޝަންސް ލީގުގެ ސެމީ ފައިނަލުގައި މިރޭ އިޓަލީއާއި ސްޕެއިން ބައްދަލުކުރާ މެޗު ކުޅޭނެ އެވެ.

އެންމެފަހުން ބޭއްވި ޔޫރޯ 2020 ގެ ސެމީގައި ވެސް ބައްދަލުކޮށްފައިވަނީ އިޓަލީ އާއި ސްޕޭނެވެ. އެމެޗު ޕެނަލްޓީ ޖަހައިގެން ކާމިޔާބުކުރީ އިޓަލީ އެވެ. އިޓަލީން ވަނީ އިނގިރޭސިވިލާތް ބަލިކޮށް އެންމެފަހުން ބޭއްވި ޔޫރޯގެ ތަށިވެސް ހިއްލާލާފަ އެވެ.

އިޓަލީން އަންނަނީ ބަލިނުވެ ރެކޯޑް ދަމަހައްޓަމުންނެވެ. އެޓީމުން ވަނީ މިހާތަނަށް ބަލިނުވެ 38 މެޗު ޖައްސަ ޖައްސައިގެން ކުޅެފަ އެވެ. އެންމެފަހުން މެޗަކުން އިޓަލީ ބަލިވެފައިވަނީ 2018 ވަނަ އަހަރުގެ ނޭޝަންސް ލީގުގައި ޕޯޗުގަލް އަތުންނެވެ.

މިހާތަނަށް މިދެޓީމު ވަނީ 35 ފަހަރެއްގެ މަތިން ބައްދަލުކޮށްފަ އެވެ. އެތަނުން 12 މެޗުން ސްޕޭން މޮޅުވިއިރު އިޓަލީ ވަނީ 10 ފަހަރަށް މޮޅުވެފަ އެވެ. އަދި 12 މެޗު ނިމުނީ އެއްވަރުވެގެންނެވެ.

މިމެޗު ކުޅެން ހަމަޖެހިފައިވަނީ މިރޭ ރާއްޖެގަޑިން ދަންވަރު 11:45 ގަ އެވެ.

މިމެޗަށް ލަފާކުރެވޭ ފުރަތަމަ އެގާރަ:

އިޓަލީގެ ލަފާކުރެވޭ ފުރަތަމަ އެގާރަ:

ކީޕަރު: ޑޮންނަރުމާ.

ޑިފެންޑަރުން: ކިއެލީނީ. ބޮނޫޗީ، ޑި ލޮރެންޒޯ އަދި އެމާސަން.

މިޑްފީލްޑަރުން: ވެރާޓީ، ޖޯޖީނިއޯ އަދި ބަރޭލާ.

ފޯވާޑުން: ކިއޭސާ، އިންސީނިއޭ އަދި ކީން.

ސްޕެއިންގެ ލަފާކުރެވޭ ފުރަތަމަ އެގާރަ:

ކީޕަރު: ސައިމަން.

ޑިފެންޑަރުން: އެޒްޕިލިކުއެޓާ، ލަޕޯޓް، ޓޮރެސް އަދި ރެގިއުލެން.

މިޑްފީލްޑަރުން: ބުސްކެޓްސް، ގަވީ އަދި ކޯކޭ.

ފޯވާޑުން: އޮޔާޒަބަލް، ސަރާބިއާ އަދި ޓޮރެސް

ޔޫއެފާ ނޭޝަންސް ލީގުގެ ދެވަނަ މެޗުގައި ބައްދަލުކުރާނީ ފްރާންސާއި ބެލްޖިއަމެވެ.