ފީފާ ވޯލްޑް ކަޕް ކޮލިފައިންގައި ރޭ ރަށުންބޭރުގައި 4 - 0 އިން ނޯތު މެސެޑޯނިއާ ބަލިކޮށް އަންނަ އަހަރު ގަތަރުގައި ބާއްވާ ފީފާ ވޯލްޑް ކަޕް 2022 އަށް ކޮލިފައިވި ފުރަތަމަ ގައުމުގެ ޝަރަފު ޖަރުމަނަށް ލިބިއްޖެ އެވެ.
ޖަރުމަނުގެ އިތުރުން މިވަގުތު ވޯލްޑް ކަޕްގެ ޖާގަ ޔަގީންވެފައި އޮތީ ހޯސްޓް ކުރާ ގައުމުގެ ހައިސިއްޔަތުން ގަތަރަށެވެ. ޖަރުމަނު ވޯލްޑް ކަޕުން ޖާގަ ކަަށަވަރުކުރީ ބާކީ ދެ މެޗު އޮއްވަ އެވެ.
ކޮލިފައިން ގްރޫޕް ޖޭގެ އެއްވަނައިގައި ޖަރުމަނު އޮތީ 21 ޕޮއިންޓާއެކުގަ އެވެ. ދެވަނައިގައި އޮތީ 13 ޕޮއިންޓާއެކު އާރްމީނިއާ އެވެ.
ރޭ ނޯތު މެސެޑޯނިއާގައި ކުޅުނު މެޗުގައި ޖަރުމަނުގެ ގޯލުތައް ޖެހީ ޓިމޯ ވާނާއާއި ކައި ހަވާޓްޒް އަދި ޖަމާލް މުސިއާލާ އެވެ. ވާނާ ވަނީ 2 ގޯލު ޖަހާފަ އެވެ.
ވޯލްޑް ކަޕަށް ކޮލިފައިވި ފުރަތަމަ ޓީމުގެ ޝަރަފް ލިބުމުން ވަރަށް ހިތްހަމަޖެހޭ ކަމަށް ޖަރުމަނުގެ ކޯޗު ހަންސީ ފްލިކް ބުންޏެވެ.
އޭދަފުށި އަތުން މޮޅުވެ ނައިވާދޫއިން ޖެހިޖެހިގެން ދެވަނަ ފަހަރަށް ފައިނަލަށް
ގާނޫނީ ބަދަލާ ހެދި ކުޅުދުއްފުށީ މާލިއްޔަތަށް ލިބެމުންދިޔަ ބޮޑު އާމްދަނީއެއް ހުއްޓިއްޖެ
ބޯހިޔާވަހިކަމުގެ މައްސަލައަށް ހައްލެއް ހޯދުމަށް ނުކުރާ މަސައްކަތެއް ނޯންނާނެ
ރީ-ރަޖިސްޓޭޝަނަށް ހުޅުވާލައިފި
