ފީފާގެ އެންމެ މޮޅު ކުޅުންތެރިޔާ ހޮވުން އަންނަ އަހަރު ޖެނުއަރީގައި

ދުނިޔޭގެ ފުޓުބޯޅައާ ބެހޭ މައި އިދާރާ ފީފާގެ އެންމެ މޮޅު ކުޅުންތެރިޔާގެ މަގާމު އަންނަ އަހަރު ޖެނުއަރީގައި ހޮވަން ނިންމައިފި އެވެ.

މިރަސްމިއްޔާތު ކުރިއަށް ގެންދިއުމަށް ހަމަޖެހިފައިވަނީ ވާޗުއަލްކޮށެވެ. ބެލަންޑޯ އެވޯޑާ ވަކިން ދުނިޔޭގެ މޮޅު ކުޅުންތެރިޔާގެ މަގާމު ފީފާއިން ހޮވަން ފެށީ 2017 ވަނަ އަހަރު އެވެ.

އެންމެ ފުރަތަމަ މިއެވޯޑް ހާސިލުކުރި ކުޅުންތެރިއަކީ ޕޯޗުގަލްގެ ތަރި ކްރިސްޓިއާނޯ ރޮނާލްޑޯ އެވެ. ވޭތުވެދިޔަ އަހަރު މިއެވޯޑް ހާސިލްކުރީ ޕޮލެންޑްގެ ތަރި ރޮބާޓް ލެވަންޑޮސްކީ އެވެ.

ފީފާއިން ދުނިޔޭގެ މޮޅު ކުޅުންތެރިޔާގެ މަގާމުގެ އިތުރުން ވެސް ގިނަ މަގާމުތަކެއް ކޮންމެ އަހަރަކުވެސް ހޮވަ އެވެ. އެގޮތުން އެންމެ މޮޅު ގޯލް ކީޕަރާއި އެންމެ މޮޅު ކޯޗު ވެސް ހޮވަ އެވެ.

ދުނިޔޭގެ އެންމެ މޮޅު 11 ކުޅުންތެރިން، "ފީފްޕްރޯ" ވެސް ފީފާއިން ހޮވަމުން އަންނައިރު އަންހެން ކުޅުންތެރިންނަށް ވެސް ފީފާއިން އަންނަނީ އެވޯޑް ދެމުންނެވެ.

މިފަހަރުގެ އެވޯޑްތަކަށް ވޯޓުލުން ކުރިއަށްދާނީ މިހިނގާ ނޮވެމްބަރު މަހުގެ 22 ވަނަ ދުވަހުން ފެށިގެން އަންނަ ޑިސެމްބަރު މަހުގެ 10 ވަނަ ދުވަހުގެ ނިޔަލަށެވެ.