އަންނަ އަހަރުގެ ސެންޓްރަލް ޒޯންގެ ދެ މުބާރާތް ބޭއްވުމުގެ ފުރުސަތުވެސް ރާއްޖެއަށް

ސެންޓްރަލް ޒޯންގެ އަންހެން އަދި ފިރިހެން ވޮލީބޯޅަ މުބާރާތް އަންނަ އަހަރު ހޯސްޓްކުރުމުގެ ފުރުސަތު ރާއްޖެއިން ހޯދައިފި އެވެ

ހޯމަދުވަހު ބަންގްލަދޭޝްގައި ބޭއްވި އޭވީސީ އާއި ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ)ގެ ބައްދަލުވުމުގައި ވަނީ އަންނަ އަހަރުގެ ސެންޓްރަލް ޒޯން އަންހެން އަދި ފިރިހެން މުބާރާތް ހޯސްޓްކުރުމުގެ ފުރުސަތު ރާއްޖެއަށް ދީފަ އެވެ.

ވީއޭއެމްގެ އިސްވެރިން ވަނީ އަންނަ އަހަރު ސެންޓްރަލް ޒޯން ދެ މުބާރާތް ބޭއްވުމުގެ ފުރުސަތު ރާއްޖެއަށް ހޯދައިދިނުމަށް ވަރަށް ގިނަ މަސައްކަތްތަކެއް ކޮށްދީފަ އެވެ.

ރާއްޖެއިން މީގެ ކުރިން 2017 ވަނަ އަހަރު ސެންޓްރަލް ޒޯންގެ ދެ މުބާރާތެއް ހޯސްޓްކުރި އެވެ. މިދިޔަ އަހަރުގެ ސެންޓްރަލް ޒޯން އަންހެން މުބާރާތް ރާއްޖޭގައި ބޭއްވުމުގެ ފުރުސަތު ލިބުނު ނަމަވެސް ކޮވިޑާހެދި މުބާރާތް ބޭއްވޭ ގޮތެއް ނުވި އެވެ.