މިހާރު ކުރިއަށްދާ ޓެކާސް މޯލްޑިވްސް ކަޕްގެ ޒޯން 2 ގެ ފައިނަލުގައި މިއަދު ޕެނަލްޓީ ޖަހައިގެން ނައިފަރު ބަލިކޮށް ދުވާފަރުން އުތުރުގެ ޗެމްޕިއަން ހޮވާ ޓެކާސް މުބާރާތުގެ ސެމީއަށް ދުވާފަރު ދަތުރުކޮށްފި އެވެ.
މިމެޗުގައި ރ. ދުވާފަރުން ޅ. ނައިފަރު ބަލިކޮށް މުބާރާތުގެ ސެމީއަށް ދަތުރުކުރިއިރު ދެޓީމުގެ ފަރާތުން ވެސް ވަނީ ވަރަށް ހަމަހަމަ އަދި ވާދަވެރި ކުޅުމެއް ފެނިގެންގޮސްފަ އެވެ.
މިމެޗުގައި ފުރަތަމަ ލަނޑު ޖަހާ ލީޑު ނެގީ ދުވާފަރުންނެވެ. 1 ލަނޑުގެ ލީޑެއްގައި އޮވެ މެޗު ނިމެންދަނިކޮށް މެޗުގެ ފަހު ކޮޅުގައި ނައިފަރުން ވަނީ ލަނޑެއް ޖަހާ ނަތީޖާ އެއްވަރުކޮށްފަ އެވެ. މެޗުގެ ފުރިހަމަ ވަގުތުގެ ކުޅުން ނިމުނުއިރު ދެޓީމުގެ ނަތީޖާ ހަމަހަމަވެފައި އޮތުމުން ނަތީޖާ ނެރެން ޖެހުނީ ޕެނަލްޓީ ޖަހައިގެންނެވެ.
ޕެނަލްޓީގައި ދުވާފަރުގެ ކީޕަރުގެ މޮޅެތި ސޭވްތަކެއް ފެނިގެންދިޔައިރު ޕެނަލްޓީ 5 - 3 ން ކާމިޔާބުކުރީ ވެސް ދުވާފަރު ޓީމުންނެވެ. މިމެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ ދުވާފަރުގެ ޖޯޒީ ނަމްބަރު 1 އިބްރާހިމް އަބްދުﷲ އެވެ.
މިމުބާރާތުގައި ސެމީ ފައިނަލުގެ ފުރަތަމަ މެޗު އަންނަ އާދިއްތަ ދުވަހު ކުޅެވޭއިރު އެމެޗުގައި ޒޯން 2 ގެ ޗެމްޕިއަން ދުވާފަރުން ނުކުންނާނީ ޒޯން 1 ގެ ޗެމްޕިއަން ކުޅުދުއްފުއްޓާއި ދެކޮޅަށެވެ. އެމެޗުން މޮޅުވާ ޓީމަކަށް މުޅި އުތުރުގެ ޗެމްޕިއަންކަން ލިބިގެންދާނެ އެވެ.
މަގުބޫލުކަން ހޯދި 'ފަންމާލި' ގައި ބައިވެރިވުމަށް ހުޅުވާލައިފި
މިދައުރު ސިންތެޓިކް ޓްރެކާއި ސްޕޯޓްސް ކޮމްޕްލްކްސް ގާއިމުކުރެވޭނެ
ފަރިއުތުރު ކޮރަލްސް މަސްރޭހުން އެއްވަނަ 'ވަރަށް ތާޒާ' އަށް
އަންހެނުންގެ މަސްރޭސް އިންތިޒާމުކުރި ފަރާތް މެންބަރަށް 'އޮޅިއްޖެ'
