ބޭންކް އޮފް މޯލްޑިވްސް (ބީއެމްއެލް)ގެ މިދިޔަ އަހަރުގެ އަހަރީ އާންމު ޖަލްސާ މިމަހުގެ 29 ވަނަ ދުވަހު ބޭއްވުމަށް ނިންމައިފިއެވެ.
ބީއެމްއެލް އިން ނިންމާފައިވަނީ އަހަރީ އާންމު ޖަލްސާ 29 މޭ ވާ އާދިއްތަ ދުވަހުގެރޭ 8:30 ގައި ހޮޓެލް ޖެންގެ ޖަލްސާކުރާ މާލަމުގައި ބޭއްވުމަށެވެ.
ބީއެމްއެލް އިން ބުނީ ޖަލްސާގައި ބައިވެރިވެވޭނީ މިމަހުގެ 18 ވަނަ ދުވަހުގެ ނިޔަލަށް ބޭންކުގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށް އެކަނި ކަމަށެވެ.
މި ޖަލްސާ ކުރިއަށް ގެންދިއުމަށް ނިންމާފައިވަނީ ޕްރީ ރަޖިސްޓާ ކުރާ ހިއްސާދާރުންނާއި ޕްރޮކްސީ ހޯލްޑަރުންގެ ހާޒިރުގައި މޯލްޑިވްސް ސެކިއުރިޓީ ޑިޕޮސިޓަރީ (އެމްއެސްޑީ)ގެ އޮންލައިން މީޓިން މެނޭޖްމަންޓް ސިސްޓަމް ފަހިވޯޓު މެދުވެރިކޮށް އޮންލައިންކޮށެވެ.
ޖަލްސާގައި ވޯޓުން ނިންމާ ކަންކަމުގައި ވޯޓުލުން ކުރިއަށް ގެންދިއުމަށް ނިންމާފައިވަނީ ވެސް ފަހިވޯޓު މެދުވެރިކޮށެވެ.
ޑިރެކްޓަރުންގެ ބޯޑަށް މެމްބަރުން އިންތިހާބު ކުރުމާއި މިދިޔަ އަހަރު ބީއެމްއެލްއަށް ލިބުނު ފައިދާ އިން ހިއްސާދާރުންނަށް ހިއްސާގެ ފައިދާގެ ގޮތުގައި ބެހުމަށް ޑިރެކްޓަރުންގެ ބޯޑުން ނިންމާފައިވާ އަދަދު އަހަރީ ޖަލްސާގައި ފާސްކުރާނެ އެވެ.
ބީއެމްއެލް ޑިރެކްޓަރުންގެ ބޯޑުން ނިންމާފައިވަނީ ހިއްސާއަކަށް 13 ރުފިޔާ ބެހުމަށް އަހަރީ އާއްމު ޖަލްސާ އަށް ހުށަހެޅުމަށެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: މިނިސްޓަރ ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
