ހދ. ހަނިމާދޫ ބަނދަރު ތަރައްގީ ކުރުމުގެ މަޝްރޫއުގެ މަސައްކަތުގެ 66 ޕަސެންޓް ނިމިފައިވާ ކަމަށް އެ އެމްޓީސީސީން ބުނެފިއެވެ.
އެމްޓީސީސީން ބުނީ މި މަޝްރޫއުގެ ދަށުން އެއްގަމު ތޮށި ލުމުގެ މަސައްކަތް ވަނީ ފުރިހަމަކުރެވިފައި ކަމަށެވެ. އަދި ހާބަރ ޕޭވްމެންޓް ގެ މަސައްކަތް މިހާރު ދަނީ ކުރަމުން ކަަމަށް އެމްޓީސީސީން ބުނެފައި ވެއެވެ.
މި މަޝްރޫއުގެ ދަށުން، 53,522.50 ކިއުބިކް މީޓަރުގެ ސަރަޙައްދެއްގެ އައު ހާބަރ ބޭސިން ފުންކުރުމާއި، 31,575.50 ކިއުބިކް މީޓަރުގެ ބަނދަރުގެ ނެރަށް ވަދެވެން އޮންނަ ދިމާ ފުންކުރުމާއި، 355 މީޓަރުގެ ސަރަޙައްދެއްގައި ބޭރުތޮށިލުން ހިމެނެއެވެ.
މީގެ އިތުރުން 50 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 270 މީޓަރުގެ ސަަރަޙައްދެއްގައި އެއްގަމުތޮށި ލުމާއި، 2583 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމުގެ މަސައްކަތް މި މަޝްރޫޢުގެ ތެރޭގައި ހިމެނޭ ކަމަށް އެ ކުންފުނިން ހާމަކުރެއެވެ.
މިއީ ޕްލޭނިން މިނިސްޓްރީގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ 64.6 މިލިއަން ރުފިޔާގެ މަޝްރޫޢެއެކެވެ.
އިރުމަތި ފަރާތުގައި އިމާރާތްކުރަމުންދާ މިސްކިތް އަންނަ އަހަރު ހުޅުވޭނެ
ނޮޅިވަރަމު ކުޅީގައި ޕްލެޓްފޯމެއް ތަރައްގީކުރާނެ ބަޔަކު ހޯދަން ހުޅުވާލައިފި
ހޮނިހިރު ބާޒާރު ސަރަހައްދުގެ ފުރަތަމަ ފިޔަވަހި ނިންމާ ބޭނުންކުރަން ހުޅުވާލައިފި
ތާރު އެޅި މަގުތައް ފޮޅައި ސާފުކުރުމަށް ރޯޑް ސްވީޕަރ ބޭނުންކުރަން ފަށައިފި
