އިދިކޮޅު ޕީޕީއެމް / ޕީއެންސީ ކޯލިޝަނުން ކުރިއަށްގެންދާ "އިންޑިއާ އައުޓް" ކެމްޕޭނު ހުއްޓުވަން ކަމާ ގުޅުންހުރި އިދާރާތަކަށް އަންގަވައި ރައީސް އިބްރާހިމް މުހައްމަދު ސޯލިހު ނެރުއްވި ރިޔާސީ ގަރާރު ބާތިލްކޮށްދިނުމަށް އެދި އެ ކޯލިޝަނުން ސިވިލް ކޯޓަށް ހުށަހެޅި މައްސަލަ ބޭރުކޮށްލައިފި އެވެ.
އެ މައްސަލަ ސިވިލް ކޯޓުން ބޭރުކޮށްލާފައިވަނީ ޕީޕީއެމްގެ ވަކީލުން ޝަރީއަތަށް ހާޒިރުނުވުމުންނެވެ. އަދި ހާޒިރުނުވެވޭނެ ވަކި ސަބަބެއް ވެސް އަންގާފައި ނުވާ ކަމަށް ކޯޓުގެ ހުކުމުގައި ބަޔާންކޮށްފައިވެ އެވެ.
ރައީސް ސޯލިހް، އިންޑިއާ އައުޓް ހުއްޓުވަން ގަރާރެއް ނެރެފައިވަނީ މާލޭގެ އުސް އިމާރާތްތަކުގައި ޕީޕީއެމުން "އިންޑިއާ އައުޓް" ޖަހާފައިވާ ބޮޑެތި ބެނާތަކެއް ނަގަން ފެށުމާއި ގުޅިގެންނެވެ. ގަރާރު ނެރުމުން ފުލުހުން ވަނީ ބެނާތައް ނަގާފައެވެ.
ރައީސް ނެރުއްވި ގަރާރުގައި ވިދާޅުވެފައިވަނީ "އިންޑިއާ އައުޓް" ހަރަކާތަކީ ގައުމީ ސަލާމަތަށް ހުރި ނުރައްކަލެއް ކަމަށް ގައުމީ ސަލާމަތާ ބެހޭ މަޖިލީހުން ކަނޑައަޅައިފައިވާ ކަމަށެވެ.
ކެނދިކުޅުދޫއަށް މާޅެންދޫ އަތުން އުދަނގޫ މޮޅެއް، ހޮޅުދޫއާއި ކުޑަފަރިވީ އެއްވަރު
ގަތަރާ ރާއްޖެއާ ދެމެދު ޑިޖިޓަލް ހިދުމަތްތައް މެދުވެރިކޮށްކުރެވިދާނެ ކަންކަމާގުޅޭގޮތުން މަޝްވަރާކޮށްފި
ވަކި ގާނޫނީ ބާރާއެކު އިންސާނީ ޚިދުމަތް އެންމެނަށް، ކުދި މަސައްކަތުން ބޮޑެތި ނަތީޖާ
ރަށްރަށުގެ ހާލަތު ދެނެގަނެ އިދާރާތަކާ ބައްދަލުކުރުމަށް އަތޮޅު ކައުންސިލުން ދަތުރުތަކެއް
