ކަނޑުތައް ވަރަށް ގަދަވާނެކަމަށް ލަފާކޮށް ހއ - ތ އަތޮޅަށް ޔެލޯ އެލާޓް ނެރެފި

ކަނޑުތައް ގަދަވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް އޮފީހުން) ހއ އަތޮޅުން ފެށިގެން ތ އަތޮޅަށް ޔެލޯ އެލާޓް ނެރެފި އެވެ.

ބޯކޮށް ވާރެވެހި ގުގުރާނެ ކަމަށް ލަފާކޮށް މެޓް އޮފީހުން މިއަދު 17:30 އާއި ހަމައަށް މުޅި ރާއްޖެއަށް ވައިޓް އެލާޓް ނެރެފައިވާއިރު ވައިބާރުވެ ކަނޑުތައް ވަރަށް ގަދަވާނެކަމަށް ލަފާކޮށް ހއ އަތޮޅުން ތ އަތޮޅަށް ޔެލޯ އެލާޓް ނެރެފައިވަނީ ހަވީރު 16:00 އާއި ހަމައަށެވެ.

Alert White is extended to over the country. pic.twitter.com/fCG68enRfo

— Maldives Meteorology (@MetMaldives) July 31, 2022

މުޅި ރައްޖެއަށް 19 މޭލާއި 24 މޭލާ ދެމެދު ވައިގަދަ ވާނެ ކަމަށާއި ވިލާގަނޑުގައި 45 މޭލަށް ވައިގަދަވާނެ ކަމަށެވެ. މީގެ އިތުރުން ހުރިހާ ސަރަހައްދެއްގެ ކަނޑުތައް ގަދަވާނެ ކަމަށެވެ.

Alert Yellow for strong winds and very rough seas. pic.twitter.com/dK8fUkjNOB

— Maldives Meteorology (@MetMaldives) July 31, 2022

ޔެލޯ އެލާޓް ނެރެފައިވާ ސަރަހައްދަށް ގަޑިއަކު 25 މޭލާއި 30 މޭލަށް ވައިގަދަވާނެ ކަމަށާއި އެ ސަރަހައްދުގެ ކަނޑުތައް ވަރަށް ގަދަވާނެ ކަމަށެވެ.

ރާއްޖޭގެ ހުރިހާ ސަރަހައްދެއްގައި ވެސް ރާޅުތައް 4-7 ފޫޓަށް އުފުލޭނެކަމަށް އެއިދާރާއިން ވަނީ ލަފާކޮށްފަ އެވެ.