ބޯކޮށް ވާރޭވެހޭނެ ކަމަށް ލަފާކޮށް ހއ ން ބ އަތޮޅަށް ޔެލޯއެލާޓް

ބޯކޮށް ވިއްސާރަވެހި މޫސުން ގޯސްވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް އޮފީހުން) ހއ. އަތޮޅުން ފެށިގެން ބ. އަތޮޅަށް ޔެލޯ އެލާޓް ނެރެފިއެވެ.

މެޓް އޮފީހުން ނެރުނު ސަމާލުގެ މެސެޖްގައި ބުނެފައި ވަނީ، ހއ. އަތޮޅުން ފެށިގެން ބ އަތޮޅާއި ދެމެދު ސަރަހައްދަށް މޫސުން ގޯސްވާނެ ކަމަށް ލަފާކުރެވޭ ކަމަށެވެ.

މެޓް އޮފީހުން މި ސަރަހައްދުތަކަށް ރީނދޫ ސަމާލު ނެރެފައި ވަނީ ހެނދުނު 9:30 އިން ފެށިގެން މެންދުރު 13:30 އާއި ހަމައަށެވެ.

Alert Yellow for torrential rain and thunderstorms with gust winds of 45 mph. pic.twitter.com/ibSuRQoDSo

— Maldives Meteorology (@MetMaldives) March 2, 2025

މެޓް އޮފީހުގެ ބުނީ މި ވަގުތުގައި އެ އަތޮޅުތަކަށް ބޯކޮށް ވާރޭ ވެހި ގުގުރާނެކަމަށާއި ވިލާގަނޑުގައު ގަޑިއަކު 45 މޭލަށް ވައި ގަދަވާނެ ކަމަށެވެ.

އެއިދާރާއިން އިތުރަށް ބުނީ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށް ލަފާކުރެވޭތީ ކަނޑުދަތުރު ކުރާ ފަރާތްތަކުން މޫސުމަށް ސަމާލުވާން ވާނެ ކަމަށެވެ.