ޔޫއެސް އޯޕަންގެ ފައިނަލުގައި އަލްކަރާޒްއާއި ރޫޑްގެ ވަރުގަދަ ކުރިމަތިލުމެއް

ޔޫއެސް އޯޕަން ގްރޭންޑް ސްލޭމް ޓެނިސް މުބާރާޓުގެ ފިރިހެން ސިންގަލްސް ފައިނަލަށް ކާލޮސް އަލްކަރާޒްއާއި ކެސްޕާ ރޫޑް ދަތުރުކޮށްފި އެވެ.

މިއީ އަލްކަރާޒްގެ ފުރަތަމަ ގްރޭންޑް ސްލޭމް ފައިނަލަށްވާއިރު މިފަހަރުގެ ފައިނަލް ކާމިޔާބުކޮށްގެން ދެކުޅުންތެރިންނަށް ވެސް ދުނިޔޭގެ ރޭންކިންގ އެއްވަނައަށް އެރުމުގެ ފުރުސަތު ވަނީ ފަހިވެފަ އެވެ. މިވަގުތު ދުނިޔޭގެ ރޭންކިންގައި އަލްކަރާޒް ތިންވަނައިގައި އޮތްއިރު ރޫޑް އޮތީ ހަތަރުވަނައިގަ އެވެ.

އެއްވަނައިގައި އޮތް ރަޝިއާގެ ޑެނިއަލް މެޑްވެޑޭވް އަދި ދެވަނައިގައި އޮތް ސްޕެއިންގެ ރަފައެލް ނަޑާލް ވަނީ ހަތަރުވަނަ ބުރުން ބަލިވެ މުބާރާތުން ކަޓާފަ އެވެ.

ރޭންކިންގެ އެއް ވަނައިގައި އޮތް ރަޝިއާގެ ޑެނީލް މެޑްވެޑޭވް އާއި، ދެ ވަނައިގައި އޮތް ސްޕެއިންގެ ރަފައެލް ނަޑާލް ވަނީ ހަތަރުވަނަ ބުރުގައި ބަލިވެގެން މުބާރާތުން ކަޓައިފަ އެވެ.

ރޫޑް ފައިނަލަށް ދަތުރުކުރީ ސެމީގެ ފުރަތަމަ މެޗުގައި ރަޝިއާގެ ކޭރެން ކަޗަނޯވް ބަލިކޮށްގެންނެވެ. މިމެޗު ރޫޑް ގެންދިޔައީ 7 - 6 (8 - 6)، 6 - 2، 5 - 7 އަދި 6 - 2 ންނެވެ.

އަލްކަރާޒް ފައިނަލަށް ދަތުރުކުރީ ސެމީގައި އެމެރިކާގެ ފްރެންސިސް ޓިއަފޯ ބަލިކޮށެވެ. މި މެޗު އަލްކަރާޒް ގެންދިޔައީ 6 - 7 (6 - 8)، 6 - 3، 6 - 1، 6 - 7 (5 - 7) އަދި 6 - 3 ންނެވެ.

އަންހެން ސިންގަލްސް ފައިނަލުގައި ވާދަކުރާނީ ދުނިޔޭގެ އެއްވަނައިގައި އޮތް ޕޮލެންޑުގެ އީގާ ސްވިއަޓެކާއި ޓިއުނީޝިއާގެ އޮންސް ޖަބެއާ އެވެ.

ސްވިއަޓެކް ފައިނަލަށް ދިޔައީ ސެމީގައި ބެލަރޫސްގެ އަރީނާ ސެބަލެންކާއާ 3 - 6، 6 - 1 އަދި 6 - 4 ން ބަލިކޮށްގެންނެވެ. މިއީ ސްވިއަޓެކް ޔޫއެސް އޯޕަން ފައިނަލަށް ދަތުރުކުރި ފުރަތަމަ ފަހަރުކަން ފާހަގަކޮށްލެވެ އެވެ.

ފަސްވަނައިގައި އޮތް ޖަބެއާ ފައިނަލަށް ދަތުރުކުރީ ސީދާ ދެ ސެޓުން ފްރާންސްގެ ކެރޮލައިން ގާސިއާ ބަލިކޮށްގެންނެވެ. މިމެޗުގެ ސެޓުތައް ޖަބެއާ ގެންދިޔައީ 6 - 1 އަދި 6 - 3 ންނެވެ.

ފައިނަލް އޮތީ 12 ސެޕްޓެމްބަރުވާ ހޯމަދުވަަހުގެ 1 ޖަހާއިރު އާތޫރް އާށޭ ސްޓޭޑިއަމްގަ އެވެ.