އަފީފުއްދީން ސްކޫލް ނެޓްބޯޅަ މުބާރާތުގެ ޗެމްޕިއަންކަން ގާޒީ ހައުސް ހޯދައިފި

އަފީފުއްދީން ސްކޫލުން، އެ ސްކޫލްގެ ހައުސްތަކުގެ މެދުގައި ބާއްވާ 17 ވަނަ އިންޓަރ ހައުސް ސީނިއަރ ނެޓްބޯޅަ މުބާރާތް ގާޒީ ހައުސް ކާމިޔާބުކޮށްފި އެވެ.

މި މަހު 25 ން 28 އަށް ކުޅުދުއްފުށީ ޒޯން ސްޓޭޑިއަމްގެ ނެޓްބޯޅަ ކޯޓުގައި ކުރިއަށްދިޔަ މި މުބާރާތުގެ ފައިނަލްގައި ކުޅެފައިވަނީ ގާޒީ ހައުސް އާއި މަޖީދީ ހައުސް އެވެ.

ފައިނަލް މެޗް ޝަރަފްވެރިކޮށްދެއްވީ ކުޅުދުއްފުށީ ރީޖަނަލް ހޮސްޕިޓަލްގެ ޑެޕިއުޓީ ޑިރެކްޓަރ ޖެނެރަލް ހަދީޖާ އަލީ އެވެ.

މުބާރާތުގެ އެންމެ އުންމީދީ ކުޅުންތެރިއަކަށް ހޮވިފައިވަނީ:

އެންމެ މޮޅު 7 ކުޅުންތެރިންނަށް ހޮވިފައިވަނީ:

މުޅި މުބާރާތުން އެންމެ މޮޅު ކުޅުންތެރިއަކަށް ހޮވިފައިވަނީ:

ފައިނަލްގައި ގާޒީ ހައުސް އާއި މަޖީދީ ހައުސް ބައްދަލުކޮށް ގާޒީ ހައުސް ޗެމްޕިއަންކަން ހާސިލްކޮށްފައިވަނީ 30 ލަނޑު 10 ލަނޑުން ކާމިޔާބުކޮށެވެ. ފައިނަލް މެޗްގެ މޮޅު ކުޅުންތެރިއަކަށް ހޮވިފައިވަނީ ގާޒީ ހައުސްގެ ވިންގ އެޓޭކް މަރިޔަމް މަންހާ ޔޫނުސެވެ.

އަފީފުއްދީން ސްކޫލް ޕްރިންސިޕަލް ނާސިހާ އިދުރީސް ވަނީ މި މުބާރާތަށް އެހީތެރިވެދެއްވި ކޯޗުން، އޮފިސަލުން، ރެޑްކުރެސެންޓް، އޫރިދޫ، ދިރާގު، އަމްޕެއަރުން، ޕީޓީއޭގެ ހީވާގި މަންދޫބުންގެ އިތުރުން ސްޓޭޑިއަމަށް ވަރަށް ހާއްސަ ޝުކުރެއް ދަންނަވާފަ އެވެ.