ފަލަސްތީނަށް އޮތް ލޯބި ހާމަކުރަން މާދަމާ ކުޅުދުއްފުށީގައި ހިނގާލުމެއް ބާއްވަނީ

ފަލަސްތީނުގެ ރައްޔިތުންނަށް އޮތް ލޯބި ހާމަކޮށް މާދަމާ ކުޅުދުއްފުށީގައި ހިނގާލުމެއް ބާއްވަން ހަމަޖެހިއްޖެ އެވެ.

މިކަން އިންތިޒާމުކުރާ ފަރާތުން ބުނީ، މި ހިނގާލުން ފެށޭނީ މާދަމާ ހަވީރު 16:00 ގައި ކުޅުދުއްފުށީ ސްޓޭޑިއަމް ކައިރިން ކަމަށެވެ. މި ހިނގާލުމުގައި ވީހާވެސް ގިނަ ބަޔަކު ބައިވެރިވުމަށް އެ ފަރާތުން އެދެ އެވެ.

ފަލަސްތީނުގެ ރައްޔިތުންނަށް އެހީތެރިކަން ފޯރުކޮށްދިނުމަށް ކުޅުދުއްފުށީގައި ހަރަކާތްތަކެއް ހިންގަމުންދާއިރު ދާދިފަހުން ވަނީ ފަންޑްފޮށިތަކެއްވެސް ބަހައްޓާފަ އެވެ.

އޮކްޓޯބަރު 7 ވަނަ ދުވަހުން ފެށިގެން ޔަހޫދީ ޓެރެރިސްޓު އަސްކަރިއްޔާއިން މެދުކެނޑުމެއް ނެތި ޣައްޒާއަށް ދެމުންދާ ހަމަލަތަކުގައި މިހާތަނަށް 3,300 އަށްވުރެ ގިނަ މީހުން ވަނީ ޝަހީދުކޮށްލާފައިވާއިރު ދާދިފަހުން ވަނީ ޣައްޒާގެ ހޮސްޕިޓަލަކަށް ހަމަލާދީ އެތަން ބިމާ ހަމަކޮށްލާފަ އެވެ.