ކުޅުދުއްފުށީ ބައި-އިލެކްޝަން ބޮޑު ތަފާތަކުން ޕީއެންސީގެ ކެންޑިޑޭޓް ކާމިޔާބުކޮށްފި

ކުޅުދުއްފުށި ސިޓީ ކައުންސިލުގެ، އުތުރު ދާއިރާގެ ބައި-އިލެކްޝަން ބޮޑު ތަފާތަކުން ޕީއެންސީގެ ކެންޑިޑޭޓް އިބުރާހިމް އަހުމަދު ކާމިޔާބުކޮށްފި އެވެ.

އުތުރުގެ ދާއިރާގެ ގޮނޑިއަށް ކައުންސިލަރަކު އިންތިހާބުކުރުމަށް މިއަދު ބޭއްވި ބައި-އިލެކްޝަން ޕީއެންސީގެ ކެންޑިޑޭޓް ކާމިޔާބުކޮށްފައިވަނީ 482 ވޯޓް ހޯދައިގެންނެވެ.

އޭނާއެކު އެ ދާއިރާއަށް ވާދަކުރެއްވި އެމްޑީޕީގެ ކެންޑިޑޭޓް ޝަމްނޫޒް މުހައްމަދު ނައީމަށް ލިބިލެއްވީ 196 ވޯޓެވެ.

ކުޅުދުއްފުށީ ސިޓީ ކައުންސިލްގައި ތިއްބަވަނީ ޖުމްލަ މޭޔަރާއެކު ޖުމްލަ 7 މެންބަރުންނެވެ. އެ ހުރިހާ ކައުންސިލަރުންވެސް ނިސްބަތްވެލައްވަނީ އެމްޑީޕީއަށެވެ.

ކުޅުދުއްފުށި އުތުރު ދާއިރާގެ ގޮނޑި ހުސްވީ އެ ދާއިރާގެ ކައުންސިލަރަކަށް ހުންނެވި މުހައްމަދު ދާއޫދު، ރައްޔިތުން މަޖިލިހަށް އިންތިހާބުވެވަޑައިގަތުމާ ގުޅިގެންނެވެ.