މަރާމާތަށް މަސްޖިދުލް ޖަމާއަތު ބަންދުކޮށްފި އެވެ. ކުޅުދުއްފުށީ ސިޓީ ކައުންސިލުން ބުނީ، ޖަމާއަތު މިސްކިތް ބަންދުކުރީ އާދިއްތަދުވަހު އިޝާ ނަމާދަށް ފަހު އެވެ.
ކައުންސިލް މެންބަރު ރިލްވާން މުހައްމަދު ވިދާޅުވީ، ރޯދަ އަންނަ ވާއިރަށް މަސައްކަތް އެއްކޮށް ނިންމާނުލެވުނުކަމުގައި ވިޔަސް، ރޯދައަށް ނަމާދުކުރެވޭ ވަރަށް މިސްކިތް ހުޅުވާލާނެ ކަމަށެވެ. ބާކީ ނުނިމި ހުރި މަސައްކަތް ނިންމާލާނީ ރޯދަގެ ފަހުން ކަމަށެވެ.
މަރާމާތުގެ ތެރޭގައި ދޮރުތައް ބަދަލުކުރުމާއި ވިނިލް އެޅުމާއި ސީލިންގ ބަދަލުކުރުމާއި ފެންޑާގެ މަސައްކަތުގެ އިތުރުން ޕާރކިން އެރިއާއެއް ތަރައްގީކުރެވޭނެ ކަމަށެވެ. މި މަސައްކަތް ކުރަނީ ކެނަލް އިންވެސްޓްމަންޓާ ހަވާލުކޮށްގެންނެވެ. މިއީ 1.4 މިލިއަން ރުފިޔާގެ މަޝްރޫއެކެވެ.
ޖަމާއަތު މިސްކިތުގެ އިތުރުން ހުކުރު މިސްކިތުގެ މަރާމާތުތަކެއްވެސް ސިޓީ ކައުންސިލުން އަންނަނީ ކުރަމުންނެވެ. އަދި ހަސަނާތު މިސްކިތުގެ މަރާމާތަށް ހުށަހެޅި ބިޑްތައް ބޮޑުވުމުން އަލުން ބޮޑަށް ހުޅުވާލުމުގެ މަސައްކަތްވެސް ކުރަމުންދާކަމަށް ރިލްވާން ވިދާޅުވި އެވެ.
މި ހުރިހާ މަސައްކަތެއްވެސް ކުރަނީ ސިޓީ ކައުންސިލްގެ ބަޖެޓުންނެވެ.
ފިއްލަދޫ ލޯކަލް އޮތޯރިޓީ ކުންފުނީގެ ޑިރެކްޓަރުންގެ ބޯޑަށް ކުރިމަތިލުމުގެ ހުޅުވާލައިފި
ތަޖުރިބާކާރު ކަރުންމަތީގެ ޑޮކްޓަރު މައުރޫފް ކުޅުދުއްފުށީ ހާޖީ މެޑިކަލް ކުލިނިކަށް
ހޮސްޕިޓާ ޓާޝަރީ ފެންވަރަށް ގެންނަން 18 މަސް ދުވަހުގެ ޓައިމްލައިނެއް ވަނީ ހަދާފައި
ށ އަތޮޅުގައި ސަޤާފީ ކުޅިވަރު ދަސްކޮށްދިނުމުގެ ޕްރޮގުރާމެއް ހިންގާނެ ބަޔަކު ހޯދަނީ
