ދަރިވަރުންގެ މުސްތަގްބަލް ބިނާކުރުމަށް މަތީ ސާނަވީ އިމްތިހާނު މުހިންމު: ރައީސް

މަތީ ސާނަވީ އިމްތިހާނަކީ ތައުލީމީ ހަޔާތުގެ މިސްރާބު ކަނޑައަޅައިދޭނެ އެންމެ މުހިއްމު އެއް މަރުޙަލާކަން ފާހަގަކުރައްވައި، އިމްތިހާނުގައި ބައިވެރިވާ ހުރިހާ ދަރިވަރުންނަށް ކާމިޔާބީއަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އެދިވަޑައިގެންފިއެވެ

ރައީސް މުއިއްޒު މިހެން ވިދާޅުވީ މިއަދު ފެށުނު މި އަހަރު މަތީ ސާނަވީ އިމްތިހާނުގައި ބައިވެރިވާ ދަރިވަރުންނަށާއި އެ ކުދިންގެ އާއިލާތަކަށާއި މަދަރުސާތަކަށް ފުރިހަމަ ކާމިޔާބީއަކަށް އެދިވަޑައިގެން އެކްސްގައި ކުރެއްވި ޕޯސްޓެއްގަ އެވެ.

މި އަހަރު، މަތީ ސާނަވީ އިމްތިޙާނުގައި ބައިވެރިވާ ދިވެހި ހުރިހާ ދަރިވަރުންނަށާއި އެ ކުދިންގެ ޢާއިލާތަކަށާއި މަދަރުސާތަކަށް، ވަރަށް ފުރިހަމަ ކާމިޔާބީއަކަށް އެދެން!

ދަރިވަރުންގެ މުސްތަޤްބަލު ބިނާކުރުމުގައި އަދި ވަކީން ޚާއްޞަކޮށް، މަތީ ތަޢުލީމު އުނގެނޭނެ ދާއިރާއެއް ޚިޔާރުކޮށް… pic.twitter.com/4ZJbDtFCR1

— Dr Mohamed Muizzu (@MMuizzu) September 27, 2026

ރައީސް މުއިއްޒު މިހެން ވިދާޅުވީ މިއަދު ފެށުނު މި

"ދަރިވަރުންގެ މުސްތަގުބަލު ބިނާކުރުމުގައި އަދި ވަކީން ހާއްސަކޮށް، މަތީ ތައުލީމު އުނގެނޭނެ ދާއިރާއެއް ހިޔާރުކޮށް ކުރިއަށް ދިއުމުގައި، މަތީ ސާނަވީ އިމްތިހާނަކީ މުހިންމު މަރުޙަލާއެއް،" ރައީސް ވިދާޅުވި އެވެ.

ރައީސް ވިދާޅުވީ އިމްތިހާނަށް ތައްޔާރުވުމަށް ކުދިން ކުރި ބުރަ މަސައްކަތުގެ ފޮނިމޭވާ ލިބޭނެ ކަމަށެވެ.

"މާތްﷲގެ ހެޔޮ ރަޙްމަތްފުޅާއެކު، މި އިމްތިހާނުގައި ފަސޭހައިން މޮޅަށް ޖަވާބުދީ، އެންމެން ފަހުރުވެރިވާނެ ރަނގަޅު ނަތީޖާތަކެއް ތިޔަ ކުދީން ގައުމަށް ހޯދައިދޭނެ ކަމަށް އުންމީދު ކުރަން،" ރައީސް ވިދާޅުވެފައިވެ އެވެ.

މަތީ ސާނަވީ އިމްތިހާނުގައި މި އަހަރު 53 ސެންޓަރަކުން 4،973 ދަރިވަރުން އޭލެވެލް އިމްތިހާނު އަދި 2،263 ދަރިވަރުން އެޗްއެސްސީ އިމްތިޙާނު ހެދުމަށްވަނީ ހަމަޖެހިފަ އެވެ.

އޭލެވެލް އިމްތިހާނު މިއަދުން ފެށިގެން އޮކްޓޫބަރު 30 ވަނަ ދުވަހުގެ ނިޔަލަށް ކުރިއަށްދާނެ އެވެ.