ގްލޯނެޓްގެ ޔުނިވާސިޓީ އެޑިއުކޭޝަން ފެއަރ މިމަހު 22 ގައި އޮންނާނެ

ގްލޯނެޓް ގެ ފަރާތުން ކުޅުދުއްފުށީގައި ބާއްވާ ޔުނިވަރސިޓީ އެޑިއުކޭޝަން ފެއަރ މިމަހުގެ 22 ގައި އޮންނާނެ އެވެ.

ކުޅުދުއްފުށީ ކައުންސިލާއި ރަށުގެ ސްކޫލުތަކާ ގުޅިގެން ގްލޯނެޓުން ބާއްވާ މި ފެއަރ ކުރިއަށްދާނީ މި މަހުގެ 22 ވަނަ ދުވަހު ގެ ހަވީރު 3 އިން 6 އަށް ޖަލާލުއްދީން ސްކޫލުގަ އެވެ.

މި ފެއަރ ގައި އެކިއެކި ކޯސްތަކާއި ބެހޭ މައުލޫމާތު ފޯރުކޮށްދީ، ކޯސްތަކަށް ރަޖިސްޓްރީ ކޮށްދީ، ޑިސްކައުންޓާއި، ސްކޮލަރޝިޕްގެ މައުލޫމާތު ފޯރުކޮށްދޭނެއެވެ. މިގޮތުން ތަފާތު 7 ޔުނިވަރސިޓީ އަކުން ހިންގާ ކޯސްތަކާއި ބެހޭ މައުލޫމާތު ފޯރުކޮށްދޭނެއެވެ. އޭގެ ތެރޭގައި މެލޭޝިޔާގެ ނިލާއީ ޔުނިވާސިޓީ، ސަންވޭ ޔުނިވާސިޓީ ކޮލެޖް، އިންޓަރނޭޝަނަލް މެޑިކަލް ޔުނިވާސިޓީ، ޔޫސީއެސްއައި ޔުނިވާސިޓީ، ޓޭލާރސް ކޮލެޖް، ސެގީ ޔުނިވާސިޓީ ކޮލެޖް ގެ އިތުރުން އެޕިޓް އަދި ވެލްސް ޔުނިވާސިޓީ ހިމެނެ އެވެ.

މި ފެއަރގައި ވީހާވެސް ގިނަ ދަރިވަރުންނާއި ބެލެނިވެރިން ބައިވެރިވުމަށާއި މިފަދަ މުހިއްމު ފުރުސަތު ތަކުގެ ބޭނުން ހިފުމަށް ކައުންސިލުން އިލްތިމާސް ކުރައްވައެވެ.