ޖަލާލުއްދީން ސްކޫލުގެ ފިޝަރީސް ސައިންސް ކިޔަވާ ދަރިވަރުން އަމަލީ ތަޖުރިބާ ހޯދުމަށް މާފައްސަށް ޒިޔާރަތް ކޮށްފި

ޖަލާލުއްދީން ސްކޫލުގެ ފިޝަރީސް ސައިންސް ކިޔަވާ ގްރޭޑް 10 ގެ ދަރިވަރުން އަމަލީ ތަޖުރިބާ ހޯދުމަށްޓަކައި، ސިނާއީ މަސައްކަތް ކުރާ ރަށެއްކަމަށްވާ ހއ. މާފައްސަށް ޒިޔާރަތް ކޮށްފި އެވެ.

ޖަލާލުއްދީން ސްކޫލުގެ ފިޝަރީސް ސައިންސް ޓީޗަރު މިނޫހަށް މައުލޫމާތު ދެއްވަމުން ވިދާޅުވީ މި ދަތުރަކީ ދަރިވަރުން ތައްޔާރުކުރަންޖެހޭ ޕްރޮޖެކްޓަށް ބޭނުންވާ މައުލޫމާތު ހޯދުމަށް ކުރި ދަތުރެއް ކަމަށެވެ. މިގޮތުން މިދަތުރުގައި ހިކި ކަނޑުމަސް ބަންދުކުރާ ފިޝް ޕްރޮސެސިން ފެކްޓްރީއަށާއި އެގްރިކަލްޗަރ ސެންޓަރަށް ޒިޔާރަތްކޮށް މައުލޫމާތު ހޯދާފައިވާނޭ ކަމަށް އޭނާ ވިދާޅުވި އެވެ.

މީގެ އިތުރުން މޫދުގެ އެކި ހިސާބުތަކުން ލޮނު ނަގައި އޭގެ ސެލިނިޓީ ބަލާފައިވާކަންވެސް ފާހަގަކުރެއްވިއެވެ. އަދި އިއްޔެގެ މިދަތުރުގައި ބައިވެރިން ޕްލޭންކްޓަންވެސް ނަގާފައިވެއެވެ.

މި ފީލްޑް ޓްރިޕްގައި 28 ދަރިވަރުންގެ އިތުރުން ޖަލާލުއްދީން ސްކޫލުގެ ޑެޕިއުޓީ ޕްރިންސިޕަލާއި 10 މުދައްރިސުން ވެސްވަނީ ވަނީ ބައިވެރިވެފައި އެވެ.