މާލޭ މެޑިކަލްސްގެ ފަރާތުން ކުޅުދުއްފުށީގައި ދާއިމީކޮށް ދަތުގެ ފަރުވާ ދޭން ފަށައިފި

 މާލޭ މެޑިކަލްސްގެ ފަރާތުން ކުޅުދުއްފުށީގައި ދާއިމީކޮށް ދަތުގެ ފަރުވާ ދޭން ފަށައިފި އެވެ.

ދޭތެރެ ދޭތެރެއިން ކުޅުދުއްފުށީގައި ތަފާތު މެޑިކަލް ކޭމްޕްތައް ހިންގާ މާލޭ މެޑިކަލްސްގެ ފަރާތުން ދާއިމީ ގޮތެއްގައި ކުޅުދުއްފުށީގައި އެހިދުމަތް ދޭން ފެށީ އެކަމަށް ހާއްސަ ޑެންޓިސްޓެއް ގެނެސް ކުޅުދުއްފުށީގައި ބަހައްޓާ ކުޅުދުއްފުށީގައި ހުންނަ އަތޮޅު ރައްވެހިގޭގަ އެވެ.

ކުރިން ބޮމްބޭގެ ސުކްޝާންތީ ހޮސްޕިޓަލުގައި މަސައްކަތް ކުރެއްވި ދަތުގެ ފަރުވާއަށް ޚާއްސަ ޑެންޓިސްޓް ޑރ. މީނޫ ތުޝާރު ނާގްލީ މި ޑެންޓަލް ކްލިިނިކްގައި ހުކުރުދުވަސް ފިޔަވާ ކޮންމެ ދުވަހަކު ހެނދުނު ނުވަޔަކުންމެންދުރު އެކަކަށް އަދި ހަވީރު ފަހަކުން ރޭގަނޑު އަށަކަށް ފަރުވާދެއްވާނެ ކަމަށް މާލޭ މެޑިކަލްސްއިން މައުލޫމާތު ދެއެވެ.

މާލޭ މެޑިކަލްސްގެ ފަރާތުން ދަތްއުފުރުމާއި، ފުޓުނި އެޅުމާއި، ރޫޓުކެނަލް ޓްރީޓުމެންޓު ހެދުމާއި ދަތް ސާފުކުރުމުގެ އިތުރުން ދަތް ޖެހުމާއި ދަތްޕިލަ ހެދުމުގެ ހިދުމަތް މިތަނުގައި ދޭނެ އެވެ. އަދި ދޯރި އެޅުވުމާއި ނަރުގަނޑު އެޅުވުމުގެ އިތުރުން ނަރުގަނޑު ބާރުކުރުންފަދަ ތަފާތު ދަތުގެ ފަރުވާތައް ދެވޭނެ ކަމަށް އެފަރާތުން މައުލޫމާތު ދެއެވެ.

މާލޭ މެޑިކަލްސްގެ ފަރާތުން ދަތުގެ ފަރުވާ ކުޅުދުއްފުށީގައި ދާއިމީކޮށް ދޭން ފެށި ކަމުގައި ވީނަމަވެސް ކޭމްޕްތަކުގައި އެކި އެކި ސްޕެޝަލިސްޓުން ރަށަށް ޒިޔާރަތްކޮށް ފަރުވާދެއްވާނެ ކަމަށް އެފަރާތުން ހާމަކުރެއެވެ.

ދަތުގެ ފަރުވާ ހޯއްދެވުމަށް 9693535 ނުވަތަ 7577818  އާ ގުޅައިގެން އެޕޮއިންޓްމެންޓް ހެއްދެވުމަށް އެފަރާތުން އެދެއެވެ.