ވޯޓާރސް ލިސްޓަށް ޝަކުވާ ހުށަހެޅުމަށް ފުރުޞަތު ހުޅުވާލައިފި

ވޯޓު ދިނުމުގެ ހައްގު ލިބިފައިވާ މީހުންގެ ލިސްޓަށް ޝަކުވާ ހުށަހުޅުމުގެ ފުރުޞަތު މިއަދު ހުޅުވާލައިފި އެވެ.

އިލެކްޝަންސް ކޮމިޝަނުން ބުނީ ވޯޓާރސް ރަޖިސްޓްރީއަށް ޝަކުވާ ހުށަހެޅުމަށް މިއަދު ހުޅުވާލި ފުރުޞަތު މިއަދުގެ އިރުއޮއްސި ހަޔަކަށް ހަމަވާނެ ކަމަށެވެ.

އަންނަ ނޮވެމްބަރު މަހުގެ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގެ ފުރަތަމަ ބުރުގައި ވޯޓުލުމުގެ ހައްގު ލިބިފައިވާ މީހުންގެ ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލާފައިވަނީ މިއަދު ހެނދުނު ނުވައަކުން އިރުއޮއްސި ހަޔަކަށެވެ.

ލިސްޓަށް ޝަކުވާ ހުށަހެޅުމުގެ ފުރުސަތު ހުޅުވާލައިފާ ވާއިރު އިންތިހާބަށް، އަމިއްލަ ރަށް ނޫން ރަށެއްގައި ވޯޓުލުމަށް އިތުރަށް ރަޖިސްޓަރ ކުރަން ނުޖެހޭނެ ކަމަށް އިލެކްޝަނުން ހާމަކުރެއެވެ. އިލެކްޝަނުން ބަލަނީ އޮކްޓޯބަރ 19 ވަނަ ދުވަހު ބާއްވަން ނިންމި އިންތިހާބަށް ރަޖިސްޓްރީ ކޮށްފައިވާ ފޯމްތަކަށެވެ.

ރިޔާސީ އިންތިޚާބުގެ ފުރަތަމަ ބުރު ނޮވެމްބަރު 9 ގައި ބޭއްވުމަށްފަހު ދެވަނަ ބުރަކަށް ގޮސްފިނަމަ ދެވަނަ ބުރު އޮންނާނީ ނޮވެމްބަރު 16 ވަނަ ދުވަހު އެވެ.