ދުނިޔޭގެ އެންމެ ދިގުމީހާ އޭނާއަށްވުރެ 2 ފޫޓު ކުރު މީހަކާ ކައިވެނިކޮށްފި

Oct 28, 2013

ދުނިޔޭގައި މިހާރު ހުރި އެންމެ ދިގު މީހާ އޭނާއަށްވުރެ 2 ފޫޓު 7 އިންޗި ކުރު މީހަކާ ކައިވެނި ކޮށްފި އެވެ.

އިސްކޮޅުގައި 8 ފޫޓު 3 އިންޗި ހުންނަ ތުރުކީގެ ސުލްތާން ކޯސެން ކައިވެނިކޮށްފައިވަނީ އުމުރުން 20 އަހަރުގެ މާރވް ޑިބޯ އާއެވެ. ކައިވެނިކުރާނެ ބައިވެރިއެއް ހޯދުމުގައި ދަތިތަކެއް މީގެ ކުރިން ކުރިމަތިވެފައިވާ ސުލްތާން އުމުރުން 30 އަހަރުގައި އޭނާގެ ހަޔާތުގައި އަންނާނެ އެންމެ ބޮޑު އަދި މުހިއްމު ދުވަސް ކަމަށްވާ ކައިވެނީގެ ދުވަސް ފާހަގަ ކޮށްފައިވަނީ މިދިޔަ ހޮނިހިރު ދުވަހުއެވެ.

މާރވްއާ ބައްދަލުވުމުގެ ކުރިން ސުލްތާން ވަނީ ހަޔާތުގެ ބައިވެރިއެއް ހޯދުމަށް ދަތިވެފައިވާކަމަށް ބުނެފައެވެ. އެހެން ނަމަވެސް އޭނާއާ ސައިޒުގެ ގޮތުން އެއްވަރެއްގެ މީހަކު ނުލިބުނު ނަމަވެސް އާއިލާއާ ވަކިން އަމިއްލަ ދިރިއުޅުމެއް އުޅޭނެ ކަމަށް ސުލްތާން ކުރިން ވަނީ ހާމަކުރެއެވެ.

ދުނިޔޭގެ އެންމެ ދިގުމީހާ ކޯސެންގެ އަތުގައި 27.5 ސެންޓިމީޓަރު ހުރެއެވެ. އަދި ފައިތިލައިގައި 36.5 ސެންޓިމީޓަރު ހުރެއެވެ. އޭނާ އަރާ ބޫޓުގެ ސައިޒަކީ 28 އެވެ. އޭނާ އާދަޔާ ހިލާފަށް ދިގުވާން ފަށާފައި ވަނީ އުމުރުން 10 އަހަރުގަ އެވެ. ދުނިޔޭގެ އެންމެ ދިގު މީހާއަށް އޭނާވެފައިވަނީ 2009 ވަނަ އަހަރު އެވެ. 2011 ވަނަ އަހަރާ ހަމައަށް އޭނާގެ އިސްކޮޅު ދިޔައީ ދިގުވަމުންނެވެ.

ދުނިޔޭގައި މިހާތަނަށް ރިކޯޑް ކުރެވުނު އެންމެ ދިގު މީހާއަކީ އެމެރިކާގެ އިލިނޮއިސްގައި އުޅުނު ރޮބަޓް ވެޑްލޯ ކިޔާ މީހެކެވެ. އޭނާގެ އިސްކޮޅުގައި 8 ފޫޓު 11 އިންޗި ހުއްޓެވެ. އޭނާ މަރުވެފައި ވަނީ 1940 ގަ އެވެ. –މެއިލް އޮންލައިން–

މިލިޔުމާއި ގުޅޭ