އުރީދޫގެ އައު ބިޒްނަސް ޕާރޓްނަރަކަށް ރީފްސައިޑް ހަމަޖައްސައިފި

ފުޅާ ދާއިރާއެއްގައި ރާއްޖޭގައި މޮބައިލް ނެޓްވޯކްގެ ހިދުމަތް ފޯރުކޮށްދެމުން އަންނަ އުރީދޫ މޯލްޑިވްސްއިން އެ ކުންފުނީގެ އައު ބިޒްނަސް ޕާރޓްނަރަކަށް ރީފްސައިޑް ހަމަޖައްސައިފި އެވެ.

ބިޒްނަސް ޕާރޓްނަރ އެއްބަސްވުމުގެ ދަށުން އުރީދޫގެ ހުރިހާ ހިދުމަތްތަކެއް ރީފްސައިޑްގެ އިމޭޖިން ޝޯރޫމުން ލިބިހުންނާނެ ކަމަށް އުރީދޫއިން ބުނެ އެވެ.

އޭގެ ތެރޭގައި ޕްރީޕެއިޑް އަދި ޕޯސްޓްޕެއިޑް ކަނެކްޝަންސް، ޑޭޓާ ކަނެކްޝަންސް، ބިލަށް ފައިސާ ނެގުން އަދި ސިމް ބަދަލުކޮށްދިނުން ހިނމެނޭ ކަމަށް އުރީދޫއިން ބުނެ އެވެ.

“އަޅުގަނޑުމެންގެ ޑިސްޓްރިބިއުޝަން ނެޓްވޯކާ ގުޅުން އިތުރަށް ބަދަހިކޮށްހިދުމަތް ފަސޭހަކަމާއެކު އަޅުގަނޑުމެންގެ އިތުރުވަމުންދާ ކަސްޓަމަރުންނަށް ފޯރުކޮށްދިނުމުގެ ނިޔަތުގައި މަސައްކަތް ކުރަމުން ދާހިނދު، އުރީދޫގެ ބިޒްނަސް ޕާރޓްނަރކަމަށް ރީފްސައިޑްއަށް މަރުހަބާ ކިޔަން.” އުރީދޫގެ ކޮމާޝަލް ޑިރެކްޓަރ، ސަރަތީ ވިދާޅުވި އެވެ.

އުރީދޫއިން ބުނީ އެ ކުންފުނީންދަނީ އެކުންފުނީގެ ޑިސްޓްރިބިއުޝަން ނެޓްވޯކް އިތުރަށް ފުޅާކުރަމުން ކަމަށެވެ. އެގޮތުން ރީފްސައިޑާއެކު މިވެވުނު ޕާރޓްނަރޝިޕްގެ ދަށުން ރާއްޖޭގެ ގިނަބައެއްގެ އިތުބާރު ހޯދާފައިވާ ރީފްސައިޑް މެދުވެރިކޮށް އުރީދޫގެ ގިނަގުނަ ހިދުމަތްތައް ލިބިގެންދާނެ ކަމަށެވެ.