އެމްޓީސީސީ އިން ރޯދަމަހަށް ހާއްސަ ޕްރޮމޯޝަނެއް ފަށައިފި

އެމްޓީސީސީ އިން ރޯދަމަށް ހާއްސަކޮށް މިނިވަން50 ސުޒުކީ ޕްރޮމޯގެ ނަމުގައި ޑިސްކައުންޓް ޕްރޮމޯޝަނެއް ފަށައިފި އެވެ.

ޖޫން 1 ން 31 ޖުލައި ގެ ނިޔަލަށް ހިންގާނެ މި ޕްރޮމޯޝަންގައި ބައްލަވައިގަންނަވާ ކޮންމެ އިންޖީނަކާއި އެކު ހިލޭ މެއިންޓެނެނަންސް ކިޓެއް ލިބިލައްވާނެކަމަށާއި ސުޒުކީ އައުޓްބޯޑް 2.5 ފެށިގެން 250 ހޯސްޕަވަރުގެ އިންޖީނަށް ވެސް ޑިސްކައުންޓް ލިބޭނެ ކަމަށް އެމްޓީސީސީ އިން މައުލޫމާތު ދިނެވެ.

މިޕްރޮމޯޝަންގެ މައިގަނޑު ބޭނުމަކީ ރޯދަމަހާއި ދިމާކޮށް އިންޖީން ބައްލަވައިގަތުމަށް ބޭނުންފުޅުވެލައްވާ ބޭފުޅުންނަށް ލުއި އަގެއްގައި އިންޖީން ލިބޭނެ އިންތިޒާމް ހަމަޖެއްސުންކަމަށް އެމް ޓި ސީސީ އިން ބުނެ އެވެ.