ރޯދަމަަހަށް އުރީދޫއިން ހާއްސަ ހިދުމަތްތަކަކާއި ޕްރޮމޯޝަންތަކެއް ތައާރަފްކޮށްފި

ރޯދަމަހާ ދިމާކޮށް އުރީދޫއިން ހާއްސަ ހިދުމަތްތަކަކާއި ޕްރޮމޯޝަންތަކެއް މިއަދު ތައާރަފް ކޮށްފި އެވެ.

އެގޮތުން އުރީދޫއިން ވަނީ ތަފާތު 5 ޕްރޮމޯޝަނެއް ތައާރަފް ކޮށްފަ އެވެ. އެއީ އުރީދޫ ހާރުދަން ޕްރޮމޯޝަން މެދުވެރިކޮށް ކޮންމެ ރެއަކުވެސް ހިލޭ ކޯލް އާއި ޑޭޓާ، ސުޕަރ ފްރައިޑޭ ބޯނަސް އޮފަރ، އުރީދޫ ޑޭޓާ ޑިވައިސްތަކާއިއެކު ހިލޭ ޑޭޓާ، އައިޑީޑީ ކޯލު ޕްރޮމޯޝަން އަދި ރޯދަމަހަށް މުޅިން ހިލޭ ހިދުމްތްތަކެއްވެސް ވަނީ އުރީދޫއިން ތައާރަޕް ކޮއްފަ އެވެ.

އުރީދޫ ހާރުދަން ޕްރޮމޯޝަންގެ ދަށުން އެންމެ 5 ރުފިޔާ ޚަރަދުކޮށްގެން މިރަމަޟާންމަހުގެ ކޮންމެ ރެއަކުވެސް ކަސްޓަމަރުންނަށް ހިލޭ ކޯލް އަދި ޑޭޓާ ބޭނުންކުރުމުގެ ފުރުސަތު ލިބިގެންދާނެއެވެ. މި ޕްރޮމޯޝަންގައި ބައިވެރިވުމަށްޓަކާ، ކޮންމެ ރެއަކުވެސް މެންދަމު 0033 ގެ ފަހުން މެސެޖެއްގައި ގޯ ޖެއްސެވުމަށްފަހު 5252 އަށް މެސެޖު ކުރެއްވުމުން، ހެނދުނު 0033 ގެ ނިޔަލަށް އުރީދޫ ނަމްބަރުތަކަށް ހިލޭ ގުޅުއްވުން، ނުވަތަ 033 އެމްބީގެ ޑޭޓާ ބޭނުންކުރެއްވުމުގެ ފުރުސަތު ލިބިގެންދާނެކަމަށް އުރީދޫއިން ބުނެއެވެ.

އުރީދޫގެ ސުޕަރ ފްރައިޑޭ ބޯނަސް އޮފަރ އާއި އެކު ގާތްތިމާގެ މީހުންނާއި ގުޅުން ބަދަހިކުރުމަށް އިތުރު ފަސޭހައެއް ލިބިގެންދާނެއެވެ. ރަމަޟާން މަހުގެ ކޮންމެ ހުކުރު ދުވަހެއްގައިވެސް، ރީޗާރޖް ނުވަތަ ރާސްޓަސް ކުރެއްވުމުން، އެއަދަދުގެ 25 އިންސައްތަ އާއިހަމައަށް ބޯނަސް ކްރެޑިޓް ލިބިގެންދާނެއެވެ.

ރަމަޝާން މަހުގެ ތެރޭގައި، އުރީދޫ އެކްސްޕީރިއެންސް ސެންޓަރ އިން ބައްލަވައިގަންނަވާ ޑޭޓާ ޑޮންގްލް އަދި މައިފައި ޑިވައިސް އާއިއެކު، އޭގެ އަގުގެ 40 އިންސައްތައަށްވުރެ އަގުހުރި ޑޭޓާ މުޅިން ހިލޭ ލިބިގެންދާނެކަމަށް އުރީދޫއިން ބުނެެއެވެ.

އައިޑީޑީ ކޯލު ޕްރޮމޯޝަންގައި ރަމަޟާންމަހަށް ޚާއްސަކޮށް އެންމެ ހެޔޮ އަގުގައި ސަޢޫދީ އަރަބިއްޔާ، ޔޫއޭއީ، އޮމާން، ގަތަރު، ކުވޭތު، މިސްރު އަދި ބަހްރޭންއަށް އެންމެ 20.5ރގެ ރޭޓުން ގުޅާލެވޭނެއެވެ. މިއަގުހެޔޮ ރޭޓުގައި ގުޅުއްވުމަށް ނަންބަރުގެ ކުރިޔަށް 300 ޖައްސަވަން ޖެހިވަޑައިގަންނަވާނެއެވެ.

މީގެ އިތުރުން އުރީދޫއިން ވަނީ އެސް.އެމް.އެސް މެދުވެރިކޮށް ނަމާދު ވަގުތު ހޯދުމަށާއި ރީތި ޓިއުންސް ޚިދުމަތް މެދުވެރިކޮށް ކީރިތި ޤުރުއާންގެ ތަރުޖަމާ އަދި މަދަހަ ހޯއްދެވުން މުޅިން ހިލޭވާނެކަމަށާއި އެސްއެމްއެސް މެދުވެރިކޮށް ދީނީ ނަސޭހަތް ހޯއްދެވުމަށާއި އެސްއެމްއެސް މެދުވެރިކޮށް ކެއްކުމާއި ބެހޭ މައުލޫމާތު ހޯއްދެވުން ވެސް ހިލޭ ކަމަށް އުރީދޫއިން ބުނެ އެވެ.

އުރީދޫއިން ރަމަޟާންމަހަށް ހާއްސަ ޕްރޮމޯޝަންތަކާއި ޚިދުމަތްތަކުގެ އިތުރު މައުލޫމާތު އަދި ތަފްސީލް އުރީދޫގެ ވެބްސައިޓް އަދި ފޭސްބުކް ޕޭޖްއިން ލިބިލައްވާނެ އެވެ.

ރޯދަމަހާ ދިމާކޮށް އުރީދޫއިން ކޮންމެ އަހަރަކު ވެސް ހާއްސް ޕްރޮމޯޝްންތަކެއް ކުރިޔަށް ގެންދެއެވެ.