ކުޅުދުއްފުށީ ބާޒާރުގައި ކަރާ އަގު ދަށަށް ޖެހިލައިފި

މީގެ ދެދުވަސް ކުރިން ކުޅުދުއްފުށީ ބާޒާރުގައި 25 ރުފިޔާއަށާއި 20 ރުފިޔާއަށް ކިލޯއެއް ވިއްކި ކަރާގެ އަގު ދަށަށް ޖެހިލައިފި އެވެ.

ރޯދަމަސް ފެށެން ދެދުވަހަށްވީ އިރު ކަރާ ކިލޯއެއްގެ އަގުހުރީ 20 ރުފިޔާއަށެވެ. ރޯދަމަހުގެ ފުރަތަމަ ދެދުވަހުގެ ކަރާ ކިލޯއެއްގެ އަގު 25ރުފިޔާ އަށް ވިޔަފާރިވެރިން ބޮޑުކޮށްފަ އެވެ.

މިއަދުގެ ހޮނިހިރު ބާޒާރުގައި ކަރާ ކިލޯއެއް ގަންނަން ލިބެންހުރި އެންމެ ދަށް އަގަކީ 15 ރުފިޔާ އެވެ. އެންމެ ބޮޑުކޮށް ހުރީ 20 ރުފިޔާއަށެވެ.

ދަނޑުވެރިން ބުނާގޮތުގައި މިއަދު ކުޅުދުއްފުށީ ހޮނިހިރު ބާޒާރުގައި ކަރާއަގު ބޮޑު ހެޔޮވީ ބާޒާރުގައި ކަރާ ތިޔާގިވުމުންނެވެ.

ކުޅުދުއްފުއްޓަށް ކަރާ އެންމެ ގިނައިން ގެންނަނީ ވައިކަރަދޫ އާއި ށ. ގޮއިދޫ އަދި ނޮޅިވަރަންފަރުންނެވެ.

ކޮންމެ ހޮނިހިރު ދުވަހެއް އެންމެ އުތުރުގެ 3 އަތޮޅުގެ ދަނޑުވެރިން އެމީހުންގެ ހައްދާ ބާވަތްތައް ވިއްކަން އަންނަނީ ކުޅުދުއްފުއްޓަށެވެ.