ދިރާގުގެ އަހަރީ ދުވަހާއި ދިމާކޮށް ހުރިހާ ކަސްޓަމަރުންނަށް އެއް ޖީބީ ހިލޭ ޑޭޓާ

ދިރާގުގެ 27 ވަނަ އަހަރީ ދުވަސް ފާހަގަ ކުރުމުގެ ގޮތުން މިއަދު ދިރާގުގެ ހުރިހާ ކަސްޓާމަރުންނަށް ޑޭޓާ ލިބިގެން ދާނެ ކަމަށް އެކުންފުނިން ވިދާޅުވެއްޖެ އެވެ.

އެގޮތުން ދިރާގު ޓަޗްނެޓް ކަސްޓަމަރުންނަށް ފަސް ޖީބީއާ ހަމައަށް ހިލޭ ޑޭޓާ ލިބޭއިރު ފިކްސްޑް ބްރޯޑްބޭންޑް ބޭނުންކުރާ ކަސްޓަމަރުންނަށް 10 ޖީބީއާ ހަމައަށް ހިލޭ ޑޭޓާ ލިބޭނެ އެވެ.

އޭގެ އިތުރުން ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް މިއަދު އެއް ޖީބީގެ ޑޭޓާ ހިލޭ ލިބޭނެ ކަމަށާއި އަދި މިހާރު ދިރާގުގެ ޑޭޓާ ޕްލޭން ނުގެންނުޅޭ ކަސްޓަމަރުންނަށް ވެސް ޑޭޓާ ލިބޭނެ ކަމަށް އެކުންފުނިން ވިދާޅުވި އެވެ.

ކުންފުނީގެ އަހަރީ ދުވަސް ފާހަގަކުރުމަށް ސޯޝަލް މީޑިއާގައި ވެސް ހާއްސަ އޮފާއެއް ފަށާފަ އެވެ. އެގޮތުން މިރޭ 11:59ގެ ކުރިން، ދިރާގު ފޭސްބުކް ޕޭޖުގައި ޕޯސްޓު ކޮށްފައިވާ ފޮޓޯއަށް ލައިކްކުރާ ފަރާތްތަކާއި ދިރާގުން ޓްވީޓް ކޮށްފައިވާ އޮފިޝަލް އެނިވާސަރީ ޓްވީޓް ރީޓްވީޓް ކުރާ ފަރާތްތަކުގެ މެދުގައި ގުރުއަތެއް ނެގުމަށް ވަނީ ހަމަޖެހިފަ އެވެ. މި ގުރުއަތުން ހޮވޭ ނަސީބުވެރިޔާއަށް ސެމްސަންގް ގެލެކްސީ އެސް 6 އެޖްއެއް ދޭނެ އެވެ.