އުރީދޫއިން މޯބައިލް މަނީގެ ހިދުމަތް ތައާރަފް ކުރުމަށް އެމް.އައި.ބީ އާއި އެކު އެމްއޯޔޫގައި ސޮއި ކޮށްފި

ރާއްޖެއަށް މޮބައިލް މަނީގެ ހިދުމަތް ތައާރަފް ކުރުމަށް އުރީދޫ އިން މޯލްޑިވްސް އިސްލާމިކް ބޭންކާ (އެމްއައިބީ) އާއި އެކު އެމްއީޔޯގައި މިއަދު ސޮއި ކޮށްފި އެވެ.

މޯބައިލް މަނީގެ ހިދުމަތް ތައާރަފް ކުރެވުމުން މި ހިދުމަތުން މޯބައިލް ފޯން މެދުވެރިކޮށް ފައިސާ ދެއްކުން އަދި ޓްރާންސްފާރ ފަދަ ފައިސާގެ މުއާމަލާތްތައް ކުރެވިގެން ދާނެ ކަމަށާއި މި ހިދުމަތަކީ ލުއިފަސޭހަ ގޮތެއްގައި މުޖުތަމައަށް ފައިސާގެ ހިދުމަތް ދެމެހެއްޓެނިވި ގޮތެއްގައި ފޯރުކޮށްދޭނެ މެދުވެރިއެއްކަމަށް އުރީދޫއިން މައުލޫމާތު ދެއެވެ.

އޭގެ އިތުރުން އުރީދޫގެ މޯބައިލް މަނީގެ ހިދުމަތް ބޭނުންކޮށްގެން ކުރެވޭ ހުރިހާ ފައިސާގެ  މުއާމަލާތްތައް ރައްކާތެރިކަމާއެކު ކުރިއަށްދާނެ ކަމަށާއި ޓްރަސްޓީ ބޭންކް އެއްގެ ގޮތުން އެމްއައިބީ އިން ކަސްޓަމަރުންގެ މާލީ މުދާތައް ރައްކާތރިކޮށްދޭނެ ކަމުގެ ޔަގީކަން އުރީދޫއިން ވަނީ ދީފަ އެވެ.

ރާއްޖޭގައި މޯބައިލް މަނީގެ ހިދުމަތް ދިނުމުގެ ލައިސަންސް އުރީދޫއަށް ލިބިފައިވަނީ 2015 އޮކްޓޯބަރ މަހު އެވެ.