ދިރާގުން 100،000 ރުފިޔާގެ ތަކެތި ކުލުނު ހިޔާއަށް ހަދިޔާ ކޮށްފި

ބ. އަތޮޅު ތައުލީމީ މަރުކަޒުގައި ތަފާތު ނުކުޅެދުންތެރިކަން ހުންނަ ކުދިންނަށް ޚާއްޞަ ކުރެވިގެން ކުރިއަށް ގެންދާ، ކުލުނުހިޔާގައި ކިޔަވާދިނުމަށް ބޭނުންވާ މުހިންމު ވަސީލަތްތަކެއް ދިރާގުގެ ފަރާތުން ހަދިޔާ ކޮށްފިއެވެ.

މި ސެންޓަރަށް ދިރާގުން ވަނީ 100،000 ރުފިޔާގެ ތެކެތި ހަވާލުކޮށްފަ އެވެ. އެގޮތުން ކޮމްޕިއުޓަރ ސިސްޓަމް، އައިޕެޑް، ތެރެޕީ ބޯލްސް، ބައިސިކަލް، ވުޑަން ޓޯއިސް ، ބޯލް ޕޫލް، ވޯޓަރ ޕޫލް، ކުޅޭ ތަކެތި، ފޮތް އަދި ފްލޯ މެޓްސްގެ އިތުރުން،ބީން ބޭގް ފަދަ ތަކެތި ހިމެނެއެވެ.

ގާތްގަނޑަކަށް ނުކުޅެދުންތެރިކަން ހުންނަ 12 ދަރިވަރުން ރަޖިސްޓްރީ ކުރެވިގެން ކުރިއަށްގެންދާ މި ސެންޓަރުގައި މިހާރު ކިޔަވައި ދިނުމަށް ހަރަކާތްތެރި ވަނީ 2 ދާއިމީ ޓީޗަރުންނާއި 1 ލީޑިން ޓީޗަރެކެވެ.

ބ.އަތޮޅު ތައުލީމީ މަރުކަޒުގައި ޤާއިމް ކުރެވިފައިވާ ކުލުނުހިޔާގައި 2014 ވަނަ އަހަރުން ފެށިގެން މިފަދަ ކުދިންނަށް ތައުލީމު ހޯދައިދިނުމުގައި ހަރަކާތްތެރިވަމުން އަންނަ ކުލާހެކެވެ. ދިރާގުގެ ފަރާތުން މި ހަދިޔާކުރެވުނު ތަކެއްޗަކީ މި ސެންޓަރު ހިންގުމަށް މިވަގުތު ވަރަށް ބޮޑަށް ބޭނުންވެފައިވާ ވަސީލަތްތަކެކެއް ކަމަށާއި އަދި މި ތަކެއްޗަކީ މިކުދިންނަށް ކިޔަވައިދިނުމުގައި ވަރަށް މުހިންމު ރޯލެއް އަދާކުރާނެ ވަސީލަތްތަކެއް ކަމަށް ދިރާގުން މައުލޫމާތު ދެއެވެ.