ބީއެމްއެލްއިން އިސްލާމިކް ބޭންކިންގެ ހިދުމަތް ދޭ ބްރާންޗެއް ހުޅުވަނީ

ބީއެމްއެލްއިން އިސްލާމިކް ބޭންކިންގ ހިދުމަތް ދޭ ހާއްސަ ބްރާންޗެއް ހުޅުވުމަށް ނިންމައިފިއެވެ.

މި ބްރާންޗް ހުޅުވުމަށް ހަމަޖެހިފައިވަނީ ބާޒާރު ބްރާންޗް މިހާރު ހުރިތަނުގައެވެ. އަލަށް ހުޅުވޭ ބްރާންޗާއި ސެލްފް ސަރވިސް ބޭންކިންގ ޚިދުމަތް މި އަންނަ ސެޕްޓެމްބަރު މަހުގެ ފަހުކޮޅު ފެށޭނެއެވެ.

މި ބްރާންޗް ހުޅުވުމުގެ މަސައްކަތްތައް ކުރިއަށް ގެންދިޔުމަށްޓަކައި ސީ ޓްރެކްސް އިމާރާތުގައި ހުރި ބީއެމްއެލް ބްރާންޗް 21 އޮގަސްޓް 2016 ވާ އާދީއްތަ ދުވަހުން ފެށިގެން ބަންދުވާނެއެވެ.

ސެލްފް ސަރވިސް ބޭންކިންގ ބްރާންޗް ބަންދުވިނަމަވެސް ހިދުމަތް ކުރިއެކޭ އެއްގޮތަށް ލިބޭނެއެވެ.

21 އޮގަސްޓް އިން ފެށިގެން ބާޒާރު ބްރާންޗް ބަދަލުވާނީ އެސްޓީއޯ ޓްރޭޑް ސެންޓަރުގައި ބީއެމްއެލް ލައިޓް މިހާރު ހިންގާ ތަނަށެވެ .

ރާއްޖެއިން ބޭރަށް ދާ ބޭފުޅުންނަށް ޑޮލަރު ވިއްކުމަށް ހަމަޖެހިފައިވަނީވެސް މި ބްރާންޗުންނެވެ. އަދި ކުރިއެކޭ އެއްގޮތަށް ބްރާންޗްގެ ކައުންޓަރުތަކުން ކާޑު ބޭނުންކޮށްގެން އެކައުންޓުން ފައިސާ ނެގުމުގެ ހިދުމަތް ލިބޭނެއެވެ.