އީދު ބަންދާ ދިމާކޮށް މޯލްޑިވިއަން އިން ކޮލޮމްބޯއަށް ހާއްސަ ދަތުރުތަކެއް

ބޮޑު އީދަށް ހާއްސަކޮށް މާލެއާއި ގަމުން ކޮލޮމްބޯއަށް ހާއްސަ ފްލައިޓަތަކެއް ބޭއްވުމަށް މޯލްޑިވިއަން އިން ނިންމައިފިއެވެ.

މާލެއިން އަދި ގަމުން ކޮލޮމްބޯއަށް ބާއްވާ ދެ ފުލައިޓް ބޭއްވުމަށް ހަމަޖެހިފައި ވަނީ ސެޕްޓެމްބަރު މަހު އަށް ވަނަ ދުވަހުއެވެ. އަދި ފުލައިޓް އެނބުރި ރާއްޖެ އައުމަށް ނިންމާފައިވަނީ ސެޕްޓެމްބަރު މަހު 17 ވަނަ ދުވަހުއެވެ.

280 ޑޮލަރަށް މާލެއިން ކޮލޮމްބޯއަށް ދާ ފަރާތްތަކަށް ދެކޮޅު ޓިކެޓު ވިއްކަންވަނީ ހަމަޖެހިފައެވެ. އަދި ކޮލޮމްބޯއިން މާލެއަށް އެއްކޮޅު ޓިކެޓް ވިއްކަނީ 99 ޑޮލަރަށެވެ.

ގަމުން ކޮލޮމްބޯއަށް ދެކޮޅު ޓިކެޓު ވިއްކަން ހަމަޖެހިފައިވަނީ 199 ޑޮލަރަށެވެ.

ގަމުން ކޮލޮމްބޯއަށް އެއް ފުލައިޓް އަދި މާލެއިން ކޮލޮމްބޯއަށް އެއް ފުލައިޓް ބާއްވަން ވަނީ ނިންމާފައެވެ.