ސާވިސް ޗާޖުގެ ގޮތުގައި 50 ޑޮލަރު ދިނީމަ ހަނިމާދޫ ސިޓީ ހޮޓަލުގެ މުވައްޒަފުން މަސައްކަތް ހުއްޓާލައިފި

މިދިޔަ މަހުގެ ސާވިސް ޗާޖެއްގެ ގޮތުގައި އެންމެ 50 ޑޮލަރު ދިނީމަށް އެކަމާ ރުޅިގަދަވެގެން ހަނިމާދޫ ސިޓީ ހޮޓާ ނުވަތަ ބެއާފުޓް އެކޯ ހޮޓެލް ގެ ދިވެހި މުވައްޒަފުން ޑިއުޓީ ގަޑީގައި މަސައްކަތް ހުއްޓާލުމަށް ފަހު ނިކުމެއްޖެ އެވެ.

ކޭއޯ ވާހަކަ ދައްކަމުން ހަނިމާދޫ ސިޓީ ހޮޓަލުގައި މަސައްކަތް ކުރާ މުވައްޒަފު ބުނީ މިދިޔަ މަހުގެ ސާވިސް ޗާޖްގެ ގޮތުންގައި އެތަނުން ދީފައިވަނީ އެންމެ 50 ޑޮލަރުން ކަމަށެވެ. އޭނާ ބުނީ މީގެ ކުރީގެ ބައެއް މަސްމަހު މިއަށްވުރެ ރަނގަޅު އަދަދެއް ދޭކަމަށެވެ.

އޭނާ ބުނީ އެކަމާ ހިތްހަމަ ނުޖެހިގެން ޑިއުޓީ ގަޑިގައި މަސައްކަތް ހުއްޓާލާ ތަން ދޫކޮށް ނިކުމެފައިވަނީ ދިވެހި މުވައްޒަފުން ކަމަށެވެ. މުވައްޒަފުންގެ ޑިމާންޑަކީ އެކަށީގެންވާ ސާވިސް ޗާޖެއް ދިނުންކަމަށް އޭނާ ބުންޏެވެ.

ހަނިމާދޫ ސިޓީ ހޮޓަލުގައި އެންމެ ގިނައިން ވަޒީފާ އަދާކުރަނީ އިޓަލީ މީހުން ފިޔަވާ ހަނިމާދޫ އާއި ކުޅުދުއްފުއްޓަށް އަދި ކައިރި އެހެން ރަށްރަށަށް ނިސްބަތްވާ މީހުންނެވެ.

“ސާވިސް ޗާޖްގެ ގޮތުގައި ލިބުނީ 50 ޑޮލަރު، މުސާރައިންވެސް ވަނީ ކަނޑާފަ، އެމަޖެންސީންވެސް ވަނީ ކަނޑާފަ” ދުވަހު ނޫހަށް މައުލޫމާތު ދިން އެތަނުގެ މުވައްޒަފު ބުންޏެވެ.

އެމީހުން ބުނަނީ މުސާރަ ކަންތައް ހައްލުނުވަނީ އެއްވެސް ދިވެހި މުވައްޒަފަކު ވަޒީފާއަށް ނުނިކުންނަށް ނިންމާފައިވާ ކަމަށެވެ.

މިކަމާ ގުޅިގެން ބެއާފުޓް މެނޭޖްމެންޓްގެ ބަހެއް ތަކުރާރުކޮށް ހޯދާލުމަށް ކުރި މަސައްކަތް ވަނީ ކާމިޔާބުވާ ގޮތް ނުވެފަ އެވެ.

ހަނިމާދޫގައި ހިންގަމުން އަންނަ މި ސިޓީ ހޮޓަލައަކީ އިޓަލީ މެނޭޖްމަންޓަކުން ހިންގަމުން ތަނެކެވެ.