އުރީދޫ އިން ފުރަތަމަ ޕަބްލިކް ޗެޓް ގްރޫޕް ތައާރަފްކޮށްފި

ވައިބާގައި ދިވެހިންނަށް އަމާޒުކޮށްފައިވާ ފުރަތަމަ ޕަބްލިކް ޗެޓް ގްރޫޕް އުރީދޫ މޯލްޑިވްސް އިން ތައާރަފްކޮށްފިއެވެ.

އުރީދޫ މޯލްޑިވްސް އަކީ ވައިބާ ޕަބްލިކް ޗެޓްގައި ހިމެނޭ ފުރަތަމަ ދިވެހި ކުންފުންޏެވެ. އެހެންކަމުން އުރީދޫ މޯލްޑިވްސް ޕަބްލިކް ޗެޓް މެދުވެރިކޮށް އުރީދޫގެ ކަސްޓަމަރުންނަށް މުހިއްމު ޚަބަރުތަކުގެ އިތުރުން، ރާއްޖޭގެ އެކި ހިސާބުތަކުން ޝައުގުވެރިކުރުވާފަދަ މައުލޫމާތު ހިއްސާ ކުރެވިގެންދާނެ ކަމަށް އުރިދޫއިން މައުލޫމާތު ދެއެވެ.

މިއަދުގެ ޑިޖިޓަލް ދުނިޔޭގައި، ރައްޔިތުންނާއި ގުޅުން ބަދަހިކޮށް، އެންމެ އަވަސް ގޮތެއްގައި ޚިދުމަތް ފޯރުކޮށްދިނުމުގައި ސޯޝަލް މީޑިޔާ ވަނީ ވަރަށް ފުރިހަމަ ފުރުސަތުތަކެއް ހުޅުވާލަދީފައެވެ. ދިވެހިންގެ ތެރެއިން ގިނަ ބައެއް ވައިބާ ބޭނުންކުރާއިރު، އެބޭފުޅުންނާއި މުއާމަލާތު ކުރުމަށް އުރީދޫ މޯލްޑިވްސްގެ ޕަބްލިކް ޗެޓް އެހީތެރިވެދޭނެ އެވެ.

ވައިބާ ގައި ތައާރަފް ކުރެވިފައިވާ، viber.com/ooredoomaldives އަށް ޒިޔާރަތް ކުރެއްވުމުން އުރީދޫ މޯލްޑިވްސްގެ ޕަބްލިކް ޗެޓް ފޮލޯ ކުރެވުނީ ކަމަށް އުރިދޫއިން މައުލޫމާތު ދެއެވެ.